Amaculo 30

₁NDOKUPAKAMISA, Yehova! ngokuba undinyusele pezulu, nentshaba zam ungazivuyisanga ngam. ₂Yehova, Tixo wam! ndalilela kuwe, waza wandipilisa ke. ₃Yehova! unyusile umpefumlo wam encw̔abeni; undigcinile ndihleli, ndize ndingehli ndiye esihogweni.

₄Culani kuyehova, nina bangcwele bake! nibulele ngenkumbuzo yobungcwele bake. ₅Ngokuba engumzuzwanyana kodwa engqunjeni yake; kuko ukudliwa kwobomi embukweni yake: ngokuhlwa kungalalisa ukulila, kodwa kwakusa kufika ukugcoba.

₆Ndati mna ebutamsanqeni bam: Andisayi kuza ndishukunyiswe napakade. ₇Wena, Yehova! ngembuko yako, umisile intaba yam ibe namandla; wafihla ubuso bako, ndasendituswa ke. ₈Ndabizela kuwe, Yehova! kwa kuye uyehova ndataṙuzisa. ₉Kuko uncedo lwanina egazini lam, ndakuhlela emnxunyeni? utuli lwokudumisa na? lwoshumayela inyaniso yako na? ₁₀Yiva, Yehova! ube nofefe ngakum; Yehova! yiba ngondincedayo. ₁₁Undiguqulele ukulila kwam kwaba kududa; uyicumbulule intlakantlaka yam, wandibinqisa uvuyo; ₁₂ukuze ingcwalisa yam icule kuwe, ingati tu. Yehova, Tixo wam! ndiya kubulela kuwe kude kube ngunapakade.