Amaculo 28

₁NDOBIZA kuwe, Yehova! olilityekazi lam; zungati cwaka kum; hleze nditi, wakuti cwaka kum, ndifane nabahlele esihogweni. ₂Yiva ilizwi lezikungo zam, ndakulilela kuwe, nxa ndipakamisa izandla zam ngasendaweni yako eyingcwele yokupendula. ₃Zungandikukulisi nabakohlakeleyo, nabenzi bokungendawo, abatetayo uxolo kubamelwane babo, kanti bububi obusezintliziyweni zabo. ₄Banike njengokwemisebenzi yabo, nanjengokwobubi bezenzo zabo: banike njengokwokwenza kwezandla zabo; buyekeza kubo ngokubafaneleyo. ₅Ngenxa yokuba bengagqali imisebenzi kayehova, nokwenza kwezandla zake, uya kubacita, akayi kubaka.

₆Makabongwe uyehova; ngokuba evile ilizwi lezikungo zam. ₇Uyehova ungamandla am, nekaka lam; intliziyo yam yatembela kuye, ndancedwa ke: iti ngoko intliziyo yam ivuye kakulu; ndandiya kumdumisa ngeculo lam. ₈Uyehova ungamandla abo; uyinqaba yosindiso yomtanjiswa wake yena. ₉Sindisa abantu bako, utamsanqelise ilifa lako; bapate, ubapakamise kude kube ngunapakade.