Amaculo 25

₁YEHOVA! ndiyawupakamisela kuwe umpefumlo wam. ₂Tixo wam! ndiyatembela kuwe, mandingadaniswa: intshaba zam mazingandivuyeleli. ₃Kanjalo makungabiko odaniswayo kwabakangela kuwe: makudaniswe abo benzayo ngobuxoki kungeko tuba. ₄Yehova! ndazise indlela zako, ndifundise imikwa yako. ₅Ndikokele enyanisweni yako, undifundise: ngokuba wena ungutixo wosindiswa lwam; ndikangela kuwe imini yonke.

₆Kumbula, Yehova! inceba zako, nezibele zako, ngokuba kungunapakade zikoyo. ₇Izono zobutsha bam, nezigqito zam, ungazikumbuli: njengokwofefe lwako ndikumbulele wena, ngenxa yobubele bako, Yehova!

₈Ulungile uyehova, unokulungisa; ngako oko uya kubonisa aboni ngendlela. ₉Uya kukokela abalulamileyo esikweni; uya kufundisa abalulamileyo indlela yake. ₁₀Zonke indlela zikayehova zibububele, ziyinyaniso, kwabo babambayo ucebano lwake nezinqi̔nelo zake. ₁₁Ngenxa yegama lako, Yehova! xolela inkohlakalo yam, ngokuba inkulu yona.

₁₂Lowamntu umoyikayo uyehova nguwupina? uya kumbonisa ngendlela aya kuyiqasha. ₁₃Umpefumlo wake uya kuhlala ekulungeni; umhlaba woba lilifa lenzalo yake. ₁₄Ubuncoko bukayehova bunabo bamoyikayo; nocebano lwake lona luyabazisa.

₁₅Amehlo am amele uyehova futi; ngokuba eya kuku̔pa inyawo zam elutanjeni. ₁₆Beka kum, ube nofefe kum; ngokuba ndiligantuntu nolusizi mna. ₁₇Imbandezelwa zentliziyo yam zandisiwe; ndiku̔pe ebunzimeni bam. ₁₈Bona usizi lwam, nokwapuka kwam, uxolele zonke izono zam. ₁₉Kangela intshaba zam, ngokuba zininzi; ziyanditiya ngokutiya kwobudlwengu. ₂₀Gcina umpefumlo wam, undihlangule; mandingadaniswa, ngokuba nditemba wena. ₂₁Mandilondolozwe kukunyanisa nokulungisa; ngokuba ndikangela kuwe. ₂₂Kulula u‐Sirayeli, Tixo! kuzo zonke imbandezelwa zake.