Amaculo 16

₁NDILONDOLOZE, Tixo! ngokuba nditembela kuwe.

₂Mpefumlo wam! utshilo kuyehova ukuti: Uyinkosi yam; ukulunga kwam akufikeleli kuwe, ₃kufikelela kubo abangcwele abasemhlabeni, nakubadumileyo ekukubo konke ukunyamekela kwam. ₄Ziya kwandiswa intlungu zabanxamele utixo wumbi: andiyi kunikela ngeminikelo yabo yegazi; namagama abo andiyi kuwatabatela emlonyeni wam. ₅Uyehova usisabelwa sesahlulo sam, nesendebe yam: wena uyagcina iqashiswa lam. ₆Intambo zokulinganisa ziwe kum ezindaweni ezimnandi; ewe, lilifa elihle elilelam.

₇Ndiya kumbonga uyehova, ondinika icebo: kanjalo izintso zam ziyandiluleka ngamaxesha asebusuku. ₈Uyehova ndimbekile pambi kwam futi: engasekunene kum nje, andisayi kushukunyiswa. ₉Ngako oko intliziyo yam iyavuya, nengcwalisa yam iyagcoba: kanjalo inyama yam iya kupumla ngetemba. ₁₀Ngokuba ungayi kushiya umpefumlo wam ehadesi; kanjako akuyi kuyekelela oyingcwele yako eve ukubola. ₁₁Uya kundazisa indlela yobomi: ebusweni bako kuko ubuninzi bovuyo; ngesokunene isandla sako kuko iziyolo ezingunapakade.