Amaculo 146

₁DUMISANI uyehova! — Dumisa uyehova, mpefumlo wam! ₂Ndiya kudumisa uyehova ngexa ndisadla ubomi; ndiya kucula kutixo wam ngexa ndiseko. ₃Musani kutembela ezinkosini, nakunyana woluntu, ekungeko lusizo kuye. ₄Umoya wake uyapuma, abuyele emhlabeni wake: kwa ngalomini ayatshabalala amaqinga ake.

₅Hai itamsanqa loncedo lu ngutixo ka‐Yakobi, lotemba li kuyehova utixo wake! ₆owenza izulu nomhlaba, ulwandle nako konke okukulo; oyigcinayo inyaniso kude kube ngunapakade: ₇owenzela ababandezelweyo umgwebo; owamkelisa abalambileyo ukutya. Uyehova nyakulula amabanjwa; ₈uyehova uyatyila amehlo emfama; uyehova uyapakamisa abatotyiweyo; uyehova uyatanda abalungileyo; ₉uyehova uyagcina abasemzini; nyaxasa inkedama nomhlolokazi: kodwa indlela yabakohlakeleyo uyayipenula. ₁₀Uyehova uya kupata ngobukumkani kude kube ngunapakade: kwa utixo wako, Ziyone! kwisizukulwana ngesizukulwana. — Dumisani uyehova!