Amaculo 139

₁YEHOVA! undipengulule, wandazi. ₂Uyazi ukuhlala pantsi kwam nokusuka kwam: inkumbulo yam uyayiqonda ukude. ₃Uyabenca ukuhamba kwam nokulala kwam; uyazana nazo zonke indlela zam. ₄Nxa kungekabiko lizwi elulwimini lwam, bona ke, ugqibele ukulazi, Yehova! ₅Undivimbele nasemva napambili, wabeka isandla sako pezu kwam. ₆Ukwazi okunjalo kundoyisile ngokuba ngummangaliso; kupezulu, ndikohliwe kukufikela.

₇Ndoya pina ukumka kumoya wako? ndoya pina ukubaleka ebusweni bako? ₈Nxa ndinyukela ezulwini, ukona; nxa ndizandlalela ehadesi, nanku ukona. ₉Nxa nditabata amapiko okusa, ndihlale ekupeleni kwolwandle, ₁₀kwa kona isandla sako sondikokela, nesokunene sako sondibamba. ₁₁Ukuba nditi: Ngenyaniso ubumnyama buya kundiselela; kwa ubusuku boba kukukanya ngakum. ₁₂Ewe, ubumnyama abumnyama pambi kwako; ubusuku buyakanya njengemini: njengokuba bunjalo ubumnyama kunjalo ukukanya kuwe.

₁₃Ngokuba wena ufuyile izintso zam; wandigubungela esizalweni sikama̔. ₁₄Ndokudumisa; ngokuba ngendawo eyoyikekileyo ndenziwe ngokungummangaliso: imisebenzi yako yeyokutelwa nqa; oko umpefumlo wam uyakwazi kakulu. ₁₅Upahla lwam belungasitele kuwe, okuya ndandisenziwa emfihlekweni, ndacikizwa emazantsi omhlaba. ₁₆Amehlo ako abona imbumbulo yam ingekalungiswa; nasencwadini yako bekuba̔lwa onke amalungu am, nemihla abedalwa ngayo, nxa bekungeko nalinye pakati kwawo. ₁₇Kanjalo kum zinqabile kangakananina inkumbulo zako, Tixo! likulu kangakananina inani lazo! ₁₈Nxa ndibe ndiya kuzibala, ’zigqitisile nentlabati ngokuba zininzi: nxa ndivukayo, ndisenawe.

₁₉Ngenyaniso uya kubulala abakohlakeleyo, Tixo! Mkani kum ngoko, nina bantu begazi! ₂₀Ngokuba beteta ngawe ngobumenemene; intshaba zako zifumana zibiza igama lako. ₂₁Andibatiyi na, Yehova! abakutiyayo? nabo basukela ngakuwe andibadeli na? ₂₂Ndiyabatiya ngentiyo efezekileyo; bazintshaba kum. ₂₃Ndipengulule, Tixo! uze uyazi intliziyo yam; ndilinge, uze uzazi izicingo zam; ₂₄ubone nokuba kuko kum indlela engendawo, undikokele endleleni engunapakade.