Amaculo 116

₁NDITANDILE ukuba uyehova alive ilizwi lam, nezikungo zam. ₂Ngokuba etobele kum indlebe yake, ngako emihleni ndiseko ngayo ndiya kubiza kuye.

₃Intambo zokufa zandir̔aula, nentlungu zehadesi zandihlela; ndafumana ubunzima nosizi. ₄Ndandul’ ukubiza egameni likayehova: Ke, Yehova! uze ukulule umpefumlo wam. ₅Unofefe uyehova, unobulungisa; ewe, utixo wetu unenceba. ₆Uyehova uyagcina abatambileyo: ndanditotyelwe pantsi, wandisindisa ke. ₇Buyela ekupumleni kwako, mpefumlo wam! ngokuba uyehova ekwenzele okulungileyo. ₈Ngokuba uhlangule umpefumlo wam ekufeni, namehlo am ezinyembezini, nenyawo zam ekuweni. ₉Ndiya kuhamba ebusweni bukayehova emazweni abahleliyo. ₁₀Ndakolwa, kungoko ndatetayo: ndandibandezelwe kakulu. ₁₁Ndati ekunxameni kwam: Bonke abantu bangamaxoki.

₁₂Ndiya kunikela nto nina kuyehova ngenxa yazo zonke izincedo zake ngakum? ₁₃Ndiya kutabata indebe yosindiso, ndibize egameni likayehova. ₁₄Ndiya kufeza izibambiso zam kuyehova, ngapambi ke kwabo bonke abantu bake. ₁₅Kunqabile emehlweni kayehova ukufa kwabangcwele bake. ₁₆Ke, Yehova! ngenyaniso ndisisicaka sako; ndisisicaka sako, kwa unyana wesicakakazi sako: uzicumbulule izinxibo zam. ₁₇Ndiya kunikela umnikelo wombulelo kuwe, ndibize egameni likayehova. ₁₈Ndiya kufeza izibambiso zam kuyehova, ngapambi ke kwabo bonke abantu bake, ₁₉emakusini endlu kayehova, pakati kwako, Yerusaleme! — Dumisani uyehova!