Amaculo 111

₁DUMISANI uyehova! — Ndiya kubulela kuyehova ngentliziyo yonke, esihlelweni sabalungileyo, nasentlanganisweni. ₂Imisebenzi kayehova mikulu, ifuniselwa ngabo bonke abayinyamekelayo. ₃Isenzo sake sinokuduma nobungcwalisa: buti ubulungisa bake bume ngonapakade. ₄Wenze imimangaliso yake ibe yinkumbuzo: uyehova unofefe, unenceba. ₅Ubamkelisile ukudla abo bamoyikayo: ucebano lwake wolukumbula kude kube ngunapakade. ₆Ubonakalisile amandla emisebenzi yake ebantwini bake, ngokubapa ilifa labaheyideni. ₇Imisebenzi yezandla zake iyinyaniso nogwebo; zinyanisekile zonke ingxelo zake. ₈Zihlala ziqinisekile kude kube ngunapakade: yenziwe ngenyaniso nangobulungisa. ₉Watuma inkululwa ebantwini bake: umisele ucebano lwake lube ngunapakade: igama lake liyingcwele, linokwoyikeka. ₁₀Ukwoyika uyehova kusisiqalo sobulumko: banengqondo elungileyo bonke abazenzayo ingxelo zake: udumo lwake lumi ngonapakade.