Amaculo 104

₁MBONGE uyehova, mpefumlo wam! Yehova, Tixo wam! umkulu kakulu; uvatisiwe ngodumo nangobukulu. ₂Owambata ukukanya njengengubo; owolula izulu njengesikuselo; ₃obeka intsika zenkambili zake emanzini; owenza amafu abe yinqwelo yake; ohambayo pezu kwamapiko omoya; ₄owenza ingelosi zake zibe ngumoya; abakonzi bake babe ngumlilo odangazelayo. ₅Wamisa umhlaba pezu kwemisekelo yawo, uze ungashukunyiswa kude kube ngunapakade.

₆Ubuwugubungela ngenzulu njengesivato: amanzi ema pezu kwentaba. ₇Ngokutetisa kwako abaleka; ngelizwi lokududuma kwako emka ngobunxamo. ₈Ayenyuka ngentaba, ehla ngemihlambo, ngasendaweni uwamisele yona. ₉Wabeka umda ukuba angagqiti; ukuba angabi sabuya agubungele umhlaba. ₁₀Uyatuma imitombo ezintilini; iyahamba pakati kwentaba. ₁₁Iyaseza zonke izilo zasendle; amaqwaṙa ayadambisa ukunxanwa kwawo. ₁₂Intaka zezulu zihlala ngakuyo; ziku̔pa ilizwi pakati kwamasebe. ₁₃Uyazinyela intaba kwa sezinkambilini zake: umhlaba uyahlutiswa ngesiqa̔mo semisebenzi yako. ₁₄Uyahlumisela inkomo inca, nomfuno wokunceda abantu; aze avelise ukudla emhlabeni; ₁₅neveyine evuyisa intliziyo yomntu, ukukazimlisa ubuso bake ngapezu kweoli; nesonka esixasa intliziyo yomntu. ₁₆Imiti kayehova ihluti; isedare zase‐Lebanone owazityalayo; ₁₇apo intaka zakela kona izindlu: iṙaside indlu yayo yimiti yeberoshe. ₁₈Intaba ezinde zezamagogo; amawa yindawo yokupepela yembila.

₁₉Wenza inyanga ibe yeyamaxesha amiselweyo; ilanga liyakwazi ukutshona kwalo. ₂₀Uyenza wena ubumnyama, buba busuku ke: ayapuma ngabo onke amaṙamncwa ehlati. ₂₁Ingonyama ezintsha ziyakonyela into yokuqwenga, zifuna kutixo ukudla kwazo. ₂₂Ilanga liyapuma, zihlanganisane, zilale pantsi eminxunyeni yazo. ₂₃Uti umntu apumele emsebenzini wake, nasenkonzweni yake, kude kuhlwe.

₂₄Hai ukuba mininzi ke kwemisebenzi yako, Yehova! yonke uyenzile ngobulumko: umhlaba uzele yimfuyo yako. ₂₅Ulwandle olu lukulu lubanzi, apo zikona izinto ezishukumayo ezingenakubalwa, izilo ezincinane ndawonye nezikulu: ₂₆kulapo zihamba kona inqanawa; naleyoleviyatane uyidalileyo ukuba idlale kulo. ₂₇Zonke ezi ziyakangela kuwe, ukuze uzamkelise ukudla kwazo ngexesha lako. ₂₈Uyazipa, zibute ke; uyavula isandla sako, zihlutiswe kokulungileyo. ₂₉Uyafihla ubuso bako, zituswe ke; uyasusa umpefumlo wazo, ziqauke, zibuyele elutulini lwazo. ₃₀Uyatuma umoya wako, zidalwe ke; uti ubuso bomhlaba ubuhlaziye.

₃₁Ubungcwalisa bukayehova bobako kude kube ngunapakade; uyehova wovuya ngemisebenzi yake. ₃₂Uyakangela umhlaba, ungcangcazele ke; uyacukumisa intaba, ziqu̔me umsi ke.

₃₃Ndovuma kuyehova ngexa ndisadla ubomi; ndocula kutixo wam ngexa ndiseko. ₃₄Ukumcinga kwam kwoba mnandi: ndovuya ngaye uyehova.

₃₅Aboni bogqityelwa emhlabeni, bati abakohlakeleyo bangabi sabiko. Mbonge uyehova, mpefumlo wam! — Dumisani uyehova!