Amaculo 10

₁KUNGANINA, Yehova! ukuba ume kude? kunganina ukuba uzimele ngamaxesha obunzima? ₂Okohlakeleyo nger̔atshi uyatshutshisa ihlwempu. Mababanjwe kwa ngamaqinga abawaqingileyo. ₃Ngokuba okohlakeleyo eqa̔yisa ngenkanuko yompefumlo wake; ubonga obawela inzuzo, edela uyehova. ₄Okohlakeleyo, ngokuqanqalaza kwake, akayi kufuna u‐Tixo; onke amaqinga ake ati akuko tixo. ₅Indlela zake ziqinile ngamaxesha onke; imigwebo yako ipezulu kude kuye; intshaba zake zonke uyazicekisa. ₆Ute entliziyweni yake: Andiyi kushukunyiswa kwa napakade; ngokuba ndingeselishweni. ₇Umlomo wake uzele kukutuka, nayinkohliso, nabubuqinga: pantsi kwolwimi lwake kuko ububi nenkohlakalo. ₈Uhleli ezindaweni zokulalela zemizi; ezindaweni zangasese uyabulala ongenatyala; amehlo ake ayazifihlela olusizi. ₉Uyalalela ngasese, njengengonyama eludadeni; uyalalela ukubamba ihlwempu; uyabamba ihlwempu akulir̔olela elutanjeni lwake. ₁₀Uyazigoba, uyancatama, ukuba abalusizi bawe ngento zake zamandla. ₁₁Ute entliziyweni yake: Utixo ulibele; ubufihlile ubuso bake; akasayi kuza abone.

₁₂Vuka, Yehova! Tixo, pakamisa isandla sako! ungalibali ababandezelweyo. ₁₃Yinina ukuba okohlakeleyo adele utixo? Ute entliziyweni yake: Akuyi kubuza. ₁₄Ubonile noko; ngokuba wena ugqala ubunzima nenkatazo, ukuze upindezele ngesandla sako; olusizi uyazilahlela kuwe; ungumncedi wenkedama wena. ₁₅Yapula ingalo yokohlakeleyo nongalungileyo: buza inkohlakalo yake ude ungabi sayifumana.

₁₆Uyehova ungukumkani kude kube ngunapakade: abaheyideni batshabalele elizweni lake. ₁₇Inkanuko yabalulamileyo uyivile, Yehova! uya kulungisa intliziyo yabo; uya kubeka indlebe yako; ₁₈ukuba ugwebele inkedama noncinezelweyo, aze umntu wasemhlabeni angabi sabatusa.