Imizekeliso 7

₁Nyana wam! geina iziteto zam, uyibekele kuwe nemiyalelo yam. ₂Gcina imiyalelo yam, upile: nomteto wam uwugcine njengokozo lweliso lako. ₃Yibope eminweni yako; yiba̔le ecwecweni lentliziyo yako. ₄Yiti kubulumko: Ungudade wam; nengqondo uyibize ngokuti ngumhlobo: ₅ukuze ugcinwe kuye umfazi wasemzini, kulowo ungaziwayo, ozenza butelezi iziteto zake.

₆Ngokuba ngesituba sendlu yam, ngefenstile yam, ndakangela: ₇ndaza ndabona pakati kwezidenge, ndaqiqa pakati kwamadodana, umfana oswele ingqondo, ₈edlula esitarateni kufupi negumbi lake; wahamba ngendlela yendlu yake; ₉ngoncwalazi, ngokuhlwa kwemini, pakati kwobusuku nobumnyama: ₁₀kekaloku nankuya esiza kumhlangabeza umfazi enesivato sengnawokazi, enobuqokolo bentliziyo: ₁₁(yena unengxolo, unenkani; inyawo zake azihlali endlwini yake; ₁₂uyawapandle, uyawasezitarateni, elalela ngasemagumbini onke:) ₁₃wada wambamba, wamanga; wabomeleza ubuso bake, wati kuye: ₁₄Imibingelelo yoxolo ikum; namhla nje ndifezile izibambiso zam. ₁₅Kungoko endipumileyo ukuza kukuhlangabeza, ukufuna kakulu ubuso bako, ukuba ndikufumane. ₁₆Sendigubungele ikoye yam ngezigubungelo, ngezinto zamabala ngamabala zeqiya ecikilizekileyo yase‐Jipete. ₁₇Ndifefile umandlalo wam ngemore, nangeyahali, nangekinamone. ₁₈Yiza ke, sidikwe lutando kude kuse; masiziyolise elutandweni olukulu. ₁₉Ngokuba indoda ingeko endlwini yayo, ihambele kude. ₂₀Inxowa yemali iyitabatile esandleni sayo; ngomhla wokuhlangana kwenyanga yobuya ize endlwini yayo. ₂₁Wada wampambukisa ngobuninzi bokucenga kwake; ngobutelezi bokuteta kwake wamkukulisa. ₂₂Uhla amlandele, njengayo inkabi isiya ekuxe̔lweni, nanjengalo ihilihili lisiya ekwohlwayeni kwamakamandela; ₂₃(lude utolo lucande isibindi sake:) njengayo intaka inxamela esigwini, ingazi ukuba singenxa yobomi bayo.

₂₄Ngako kaloku ndiveni, bonyanandini! nipulapule ezitetweni zomlomo wam. ₂₅Intliziyo yako maingatyekeli ezindleleni zake; ungadungudeli emizileni yake. ₂₆Ngokuba zininzi inxweleṙa aziwisile; kanjalo bangabanamandla bonke ababulewe nguye. ₂₇Indlu yake yindlela yehadesi, ihlela ezinkambilini zokufa.