Imizekeliso 28

₁ABAKOHLAKELEYO bayesaba nxa kungasukelwa mntu; kodwa abalungileyo banqabile njengengonyama.

₂Ngenxa yokwona kwelizwe ziba zininzi inkosi zalo; kodwa ngenxa yomntu onokuqonda nokwazi, ubume balo buya kwolulwa.

₃Umntu olihlwempu obandezelayo amahlwempu, unjengemvula ekukulisayo, kude kungabiko ukudla.

₄Abashiyayo umteto, bayadumisa abakohlakeleyo; kodwa abagcinayo umteto, bayamelana nabo.

₅Abantu abangalungileyo abaqondi ubugwebo; kodwa abo bamfunayo uyehova bayaqonda izinto zonke.

₆Ihlwempu elihambayo ngenene yalo, ligqitisele ondlela zigwenxa, noko asisityebi yena.

₇Obambayo umteto, ungunyana oqondayo; kodwa odlelana nababawayo, uyahlazisa uyise.

₈Oyandisa imfuyo yake ngokudla abanye nangenzuzo engalungileyo, woyihlanganisela umntu oya kukedamela amahlwempu.

₉Oyinqandayo indlebe yake ukuba angeva umteto, kwa nomtandazo wake woba yintshontsho.

₁₀Olahlekisa abalungisayo baye endleleni yobubi, uya kweyela yena kwa sesihogweni sake; kodwa abayinene bodla ilifa lokulungileyo.

₁₁Umntu osisityebi ulumkile kwawake amehlo; kodwa ihlwempu eliqondayo liya kumpanda.

₁₂Kuti kwakuvuyelela abalungileyo, kubeko ubungcwalisa obukulu; kodwa kwakupakama abakohlakeleyo, umntu uyafunwa.

₁₃Ofihlayo izono zake, akayi kutamsanqeleka; kodwa ozixelayo azishiye, wofumana ububele.

₁₄Unetamsanqa umntu omana esoyika; kodwa oyenza lukuni intliziyo yake, uya kweyela engozini.

₁₅Umpati okohlakeleyo pezu kwabantu abangamahlwempu, uyingonyama egqumayo nebere ehambahambayo.

₁₆Inkosi esweleyo ingqondo, ifuti ekubandezeleni kanjalo; kodwa otiyayo uqwebo olungalungileyo, uya kwolula imihla yake.

₁₇Umntu obandezelwa ligazi lobomi, uya kubalekela esihogweni; makungabiko omtintayo.

₁₈Ohambayo ngokulungisa, wosindiswa; kodwa ondlela zigwenxa, uya kweyela kanye.

₁₉Olimayo umhlaba wake, wohlutiswa sisonka; kodwa olandela abantu abangendawo, wohlutiswa bubuhlwempu.

₂₀Umntu wenyaniseko uya kwanelwa ngamatamsanqa; kodwa onxamela ukutyeba, akayi kuswela ityala.

₂₁Ukugqalisela ubuso akulungile; ngokuba umntu owenje njalo eya kwona ngenxa yeqekeza lesonka.

₂₂Onxamela ubutyebi ungumntu oliso likohlakeleyo; kanti akazi ukuba uya kuhlelwa kukuswela.

₂₃Omohlwaya umntu, woti kamva afumane ufefe ngapezu kwoteta ngobutelezi.

₂₄Odlayo uyise nonina, esiti: Asi siso isono; lowo ungumlingane womcitakalisi.

₂₅Ompefumlo ukukumeleyo, uyavusa ipike; kodwa otembela kuyehova, uya kutyetyiswa.

₂₆Otembayo eyake intliziyo, usisidenge yena; kodwa ohambayo ngobulumko, yena uya kusindiswa.

₂₇Opayo ihlwempu, akayi kuswela; kodwa ofihla amehlo ake, uya kwanelwa ziziqalekiso.

₂₈Kuti kwakupakama abakohlakeleyo, kuzimele abantu; kodwa bakutshabalala, kwandul’ ukwanda abalungileyo.