Imizekeliso 21

₁INTLIZIYO yokumkani isesandleni sikayehova njengayo imijelo yamanzi; uyayitobela ngakuko konke akutandayo.

₂Yonke imikwa yomntu ifanele kwawake amehlo; kodwa uyehova uyazilinganisa intliziyo.

₃Ukwenza ubulungisa nobugwebo, kuqasheka kuyehova pezu kwedini.

₄Ukupakama kwamehlo, nokukukumala kwentliziyo, nokukanya kwabakohlakeleyo, kusisono.

₅Amaqinga okuteleyo ayayelela ekwandeni kodwa; kanti awabo bonke abanxamileyo, ekusweleni kodwa.

₆Ukuzuzwa kwendyebo ngolwimi lwobuxoki, kunjengomoya opepukileyo wabo bafuna ukufa.

₇Ukubada kwabakohlakeleyo kwobakukulisa; ngokuba bemangala ukwenza ubugwebo.

₈Ondlela ijikajikayo, ungumntu onetyala; kodwa oyingcwele, umsebenzi wake ufanelekile.

₉Kulungile ukuhlala egumbini pezu kwendlu, ngasekubeni kuhlalwe nomfazi wamapike nasendlwini yobudlelana.

₁₀Umpefumlo wokohlakeleyo uyakanuka ububi; umhlobo wake akafumani ufefe emehlweni ake.

₁₁Ngokwohlwayiwa kwomgxeki, solumka isidenge; nangokufundiswa kwelumko, liya kwamkela ukwazi.

₁₂Olungileyo uyanakana indlu yokohlakeleyo; uyabeyelisela abakohlakeleyo ebubini.

₁₃Oti vingci indlebe yake ekukaleni kwehlwempu, kwa yena uya kubiza, angaviwa ke.

₁₄Isipo emfihlekweni siyadambisa uqumbo, nebaso esifubeni umsindo onamandla.

₁₅Kuluvuyo kolungileyo ukwenza ubugwebo; kodwa intshabalalo yoba kubo abenzi benkohlakalo.

₁₆Umntu olahleka kuyo indlela yobutelekelelo, uya kuhlala entlanganisweni yabafileyo.

₁₇Otandayo imihlali woba ngumntu osweleyo; otandayo iveyine neoli akayi kutyeba.

₁₈Okohlakeleyo woba sisizi ngenxa yolungileyo, nowenza ngobuxoki endaweni yabalungisayo.

₁₉Kulungile ukuhlala ezweni elilubala, pezu kwokokuba kuhlalwe nomfazi wamapike nomsindo.

₂₀Kuko indyebo enqwenelekileyo neoli ekayeni lolumkileyo; kodwa umntu osidenge uyayigqiba.

₂₁Oputumayo ubulungisa nobubele, uyafumana ubomi, nobulungisa, nodumo.

₂₂Ilumko liyanyukela esixekweni samaṙoti, liwise pantsi amandla etemba laso.

₂₃Ogcinayo umlomo wake nolwimi lwake, uyagcina umpefumlo wake ebunzimeni.

₂₄Ovutelene ngokuzidla, ungumgxeki igama lake; uyenza ngokukukumala kwer̔atshi.

₂₅Inkanuko yevila yolibulala; ngokuba izandla zalo zimangala ukusebenza.

₂₆Imini yonke liyakanuka kakulu; kodwa olungileyo uyapa, angavimbi ke.

₂₇Umbingelelo wabakohlakeleyo uyintshontsho; kangakananina ngakumbi ke bakuwuzisa ngeqinga elikohlakeleyo?

₂₈Inqi̔na lobuxoki loti tshabalala; kodwa umntu ovayo, uya kuteta kadeshe.

₂₉Umntu okohlakeleyo uyabomeleza ubuso bake; kodwa olungisayo, yena woqinisa indlela yake.

₃₀Akuko bulumko, akuko nangqondo, akuko nacebo, eliya kuma ngakuye uyehova.

₃₁Ihashe liyalungiselwa imini yokulwa; kodwa ulwoyiso lo lukayehova.