Imizekeliso 18

₁OZAHLULAYO wofuna okukanukwayo; woba shushu ngakubo bonke ubulumko.

₂Isidenge asinyamekeli ukuqonda, sinyamekela ukuzityila kwentliziyo yaso kodwa.

₃Kuti kwakufika okohlakeleyo, kufike nokudela; nakunye nehlazo kufika ukutuka.

₄Amazwi omlomo womntu ngamanzi anzulu; umtombo wobulumko ngumlanjana oncencezayo.

₅Akulungile ukubuka ubuso bokohlakeleyo, nokusonga olungileyo ekugwebeni.

₆Ukuteta kwesidenge kuyangena ekupikiswaneni, nomlomo wake uyabiza izibeto.

₇Umlomo wesidenge uyintshabalaliso kuso, nokuteta kwaso kungumgibe wompefumlo waso.

₈Amazwi omncetezi anjengamanxeba; ayehlela kwezipakati indawo zombilini wona.

₉Kanjalo onqenayo emsebenzini wake, ungumzalwana yena kumciti omkulu.

₁₀Igama likayehova liyinqaba yamandla; olungileyo uyabalekela kuyo, anqabe ke.

₁₁Imfuyo yesityebi isisixeko esinamandla saso; injengodonga olude ekuzindleni kwaso.

₁₂Ingekabiko imbujiswa, intliziyo yomntu inokuqanqalaza; kanjalo, lungekabiko udumo, luko ululamo.

₁₃Onika impendulo ngendawo engekayivanga, oko kububudenge kuye nehlazo.

₁₄Umoya womntu ungaxasa ubulwelwe bake; kodwa umoya okedamileyo ngubanina ongawunyamezelayo?

₁₅Intliziyo yoqondayo iyaqweba ukwazi; nendlebe yabalumkileyo iyafuna ukwazi.

₁₆Ibaso lomntu liyamenzela indawo; liyamkapela ebusweni babakulu.

₁₇Oteta kuqala kwelake ityala unga ulungile; kanti kufika ummelwane wake, amṙoṙonye.

₁₈Iqashiso liyapelisa amapike, lahlule pakati kwabanamandla.

₁₉Umzalwana owoniweyo ugqitisele isixeko esinamandla ngokungeyiswa; amapike anjalo anjengomvalo wenqaba.

₂₀Ngesixakato somlomo womntu, uya kuhlutiswa umbilini wake; ngenzuzo yomlomo wake uya kuhlutiswa.

₂₁Ukufa nokudliwa kwobomi kusemandleni alo ulwimi; nabo balutandayo, baya kudla isixakato salo.

₂₂Ofumene umfazi, ufumene into elungileyo; uzuzile imbuko kuyehova.

₂₃Ihlwempu liyateta imbongozo; kodwa isityebi siyapendula ngobulukuni.

₂₄Umntu onezihlobo ezininzi wozifaka engozini; kodwa kuko umhlobo ogqitisele umzalwana ngokunamatela.