1UMTAMO owomileyo, nokwonwaba kunye nawo, ulungile pezu kwendlu ezeleyo yimibingo enempikiswano.
2Isicaka esilumkileyo soba ngumpati pezu kwonyana ohlazisayo, siti ilifa silahlulelane nabaninawe.
3Imbiza yokucokisa yeyesilivere, nesidlangalala sesegolide; kodwa nguyehova ozilingayo intliziyo.
4Owenza okukohlakeleyo uyapulapula umlomo wokungendawo; ixoki liyabazela ulwimi lwobumenemene indlebe.
5Ogculelayo ihlwempu, uyatuka umenzi walo; ovuyela ilishwa, akayi kuswela ityala.
6Abantwana babantwana bayikrone yamaxego; nobungcwalisa babantwana bungoyise.
7Umlomo wendluliselo awufanelekile kwisityakala; kukancinane kangakananina ngakumbi umlomo wobuxoki ungafanelekile kwinkosi.
8Ibaso lilitye elihle emehlweni omninilo; liya kutamsanqeleka apo lisukuba libeka kona.
9Ogubungela isigqito, uyafuna utando; kodwa ovusa indawo, uyahlukanisa izihlobo.
10Intetiso iya kutshonela kuye oqondayo, ngapezu kwokubetwa kwesidenge kalikulu.
11Okohlakeleyo uyafuna inkani kupela; kodwa isitunywa esibukali siya kutunyelwa yena.
12Iberekazi ehlutiweyo amatole ayo maifumanane nomntu, singabi sisidenge ebugezeni baso.
13Opindezela ngobubi endaweni yokulunga, ububi abusayi kwahlukana nendlu yake.
14Isiqalo sepike sinjengowenzela amanzi isivuzo; ngako yeka impikisano ingekabi shushu.
15Ogwebela okohlakeleyo, nogweba olungileyo, bayintshontsho kuyehova kwa bobabini.
16Yinina ukuba kubeko imali esandleni sesidenge yokutenga ubulumko, nxa ingqondo ingeko?
17Umhlobo uyatanda ngamaxesha onke, nomzalwana uzalelwe ubunzima.
18Umntu oswele ingqondo uyabambana nesandla, esenza umbambiso ebusweni bomhlobo wake.
19Umtandi wengxolisano ngumtandi wesono; opakamisayo isango lake, uyafuna imbujiswa.
20Ontliziyo ibugwenxa, akayi kufumana okulungileyo; nojikajikayo ngolwimi lwake, uya kweyela ebubini.
21Ozala ihilihili uzenzela usizi; kanjalo uyise wesityakala akayi kuvuya.
22Intliziyo evuyayo iya kunceda ukupila; kodwa umoya okedamileyo uya kwomisa amatambo.
23Okohlakeleyo uyatabata ibaso esifubeni, ukuba atyekise indlela zobugwebo.
24Ubulumko bungasebusweni boqondayo; kodwa amehlo esidenge asencameni yomhlaba.
25Unyana osidenge uyinkatazo kuyise, nobuṙaṙa kulowo owamzalayo.
26Kanjako ukuhlaulisa olungileyo akufanelekile, nokubeta abazinkosi ngenxa yokulungisa.
27Obamba amazwi ake ngowazana nokwazi; nomoya ubungcembe ungumntu wokuqonda.
28Kwa ihilihili, lakuti cwaka, liyabalwa ngokuba lilumko, novingcayo umlomo wake, ngokuba ngonokuqonda.
