Imibalo 3

₁KANJALO ezi zizizizukulwana zika‐Arone no‐Mosesi, mhlana wabeteta uehova ku‐Mosesi entabeni ye‐Sinai. ₂Ngawo la amagama abo onyana baka‐Arone: owamazibulo u‐Nadabi, no‐Abihu, no‐Elezari, no‐Yitamare. ₃Ngawo la amagama onyana baka‐Arone, abaperisite ababetanjiswe, abazandla bezizalisiwe ukukonza ngobuperisite. ₄Kodwa u‐Nadabi no‐Abihu bafa ebusweni bukayehova, bakunikela umlilo wasemzini pambi kwoyehova, entlango ye‐Sinai, bengenabo abantwana; kanti u‐Elezari no‐Yitamare bakonza ngobuperisite ebusweni buka‐Arone uyise wabo.

₅Waye uyehova wateta ku‐Mosesi, esiti: ₆Sondeza isizwe sika‐Levi, usimise pambi kwo‐Arone umperisite, ukuba bakonze kuye; ₇nokuba bagcine isigcinelo sake, nesigcinelo sayo yonke intlanganiso, pambi kwentente yentlangano, baze bayenze inkonzo yetabanakele; ₈nokuba bagcine zonke impahla zentente yentlangano, nesigcinelo sosapo luka‐Sirayeli, baze bayenze inkonzo yetabanakele. ₉Wauya kunika aba‐Levi ku‐Arone nakonyana bake; bayanikwa, bayanikwa bona kuye bevela elusatsheni luka‐Sirayeli. ₁₀Kodwa u‐Arone nonyana bake uya kubamisela ukuba bagcine ubuperisite babo; nowasemzini osondelayo yena uya kufiswa.

₁₁Waye uyehova wateta ku‐Mosesi, esiti: ₁₂Mna, bona ke, ndibatabatile aba‐Levi kwa pakati kwosapo luka‐Sirayeli, esikundleni sawo onke amazibulo ekuzityulwa ngawo pakati kwosapo luka‐Sirayeli; ngako aba‐Levi boba ngabam: ₁₃ngokuba onke amazibulo engawam: umhla ndandibeta onke amazibulo ezweni le‐Jipete ngawo, ndawangcwalisa kum onke amazibulo kwa‐Sirayeli, awabantu nawezilo; oba ngawam: mna ndi nguyehova.

₁₄Waye uyehova wateta ku‐Mosesi entlango ye‐Sinai, esiti: ₁₅Bala onyana baka‐Levi ngendlu zoyise zabo, ngezizalwane zabo; onke amadoda abudala buyinyanga nye nobupezulu uya kubala wona. ₁₆Waza u‐Mosesi wababala ngelizwi likayehova, njengokuyalelwa kwake. ₁₇Aba ke bebengonyana baka‐Levi ngamagama abo: u‐Gereshone, no‐Kohati, no‐Merari. ₁₈Ngawo la namagama abo onyana baka‐Gereshone, ngezizalwane zabo; u‐Libeni no‐Shimehi. ₁₉Nonyana baka‐Kohati, ngezizalwane zabo; u‐Hamerame no‐Yitsare, u‐Hebrone no‐Huziyeli. ₂₀Nonyana baka‐Merari, ngezizalwane zabo; u‐Mahali no‐Mushi. Zizo ezi izizalwane zaba‐Levi, ngendlu zoyise zabo.

₂₁Ku‐Gereshone kwavela isizalwane sama‐Libeni, nesizalwane sama‐Shimehi: zizo ezi izizalwane zama‐Gereshone. ₂₂Ababalweyo bawo, ngombalo wawo onke amadoda abudala buyinyanga nye nobupezulu, ababalweyo bawo bebengamawaka asixe̔nxe anamakulu mahlanu. ₂₃Izizalwane zama‐Gereshone ziya kuti waca ngasemva kwetabanakele, ngasentshonalanga. ₂₄Inkosi yayo indlu yoyise wama‐Gereshone yoba ngu‐Eliyasafa, unyana ka‐Layeli. ₂₅Nesigcinelo sonyana baka‐Gereshone ententeni yentlangano, yitabanakele, nentente, nesigubungelo sayo, nelengalenga lalo ucango lwentente yentlangano, ₂₆namalengalenga ebala, nelengalenga locango lwebala, elingakuyo itabanakele, nangakuso isibingelo ngento engqongayo; kwa nentambo zalo ngenxa yayo yonke inkonzo yalo.

₂₇Naku‐Kohati kwavela isizalwane sama‐Hamerame, nesizalwane sama‐Yitsare, nesizalwane sama‐Hebrone, nesizalwane sama‐Huziyeli: zizo ezi izizalwane zama‐Kohati. ₂₈Ngombalo wawo onke amadoda abudala buyinyanga nye nobupezulu, ebengamawaka asibozo anamakulu matandatu, egcina isigcinelo seyingcwele indawo. ₂₉Izizalwane zonyana baka‐Kohati ziya kuti waca ecaleni letabanakele, ngasesuyide. ₃₀Inkosi yayo indlu yoyise wezizalwane zama‐Kohati yoba ngu‐Elitsafane, unyana ka‐Huziyeli. ₃₁Nesigcinelo sawo, yityeya, netafile, nekandelare, nezibingelo, nempahla zeyingcwele indawo akonzayo ngazo, nelengalenga, nako konke okwenkonzo yayo. ₃₂Nenkosi yenkosi zaba‐Levi yoba ngu‐Elezari, unyana ka‐Arone umperisite, oya kuba ngumongama pezu kwabagcinayo isigcinelo seyingcwele indawo.

₃₃Ku‐Merari kwavela isizalwane sama‐Mahali, nesizalwane sama‐Mushi: zizo ezi izizalwane zama‐Merari. ₃₄Nababalweyo bawo, ngombalo wawo onke amadoda abudala buyinyanga nye nobupezulu, bebengamawaka matandatu anamakulu mabini. ₃₅Inkosi yayo indlu yoyise wezizalwane zika‐Merari yoba ngu‐Tsuriyeli, unyana ka‐Abihayili: aba baya kuti waca ecaleni letabanakele, ngasenode. ₃₆Nomsebenzi wesigcinelo sabo onyana baka‐Merari, ziplanke zetabanakele, nemivalo yayo, nentsika zayo, neziseko zayo, nazo zonke impahla zayo, nako konke okwenkonzo yayo, ₃₇nentsika zebala ezilingqongayo, neziseko zazo, nezikonkwane zazo, nentambo zazo.

₃₈Kanjalo abo abaya kuti waca pambi kwetabanakele ngasempumalanga, pambi kwentente yentlangano, ngasekupumeni kwelanga, ngu‐Mosesi, no‐Arone, nonyana bake, begcina isigcinelo seyingcwele indawo, ngenxa yesigcinelo salo usapo luka‐Sirayeli; nowasemzini osondelayo yena nya kufiswa.

₃₉Bonke ababalweyo babo aba‐Levi, abo bababalayo u‐Mosesi no‐Arone ngelizwi likayehova, ngezizalwane zabo, onke amadoda abudala buyinyanga nye nobupezulu, bebengamawaka angamashumi mabini enesibini.

₄₀Waza uyehova wati ku‐Mosesi: Bala onke amazibulo engamadoda pakati kwosapo luka‐Sirayeli, abudala buyinyanga nye nobupezulu, ulibale inani lamagama awo. ₄₁Wauya kunditabatela mna Yehova aba‐Levi, esikundleni sawo onke amazibulo pakati kwosapo luka‐Sirayeli; kwa nenkomo zaba‐Levi, esikundleni sawo onke amazibulo pakati kwenkomo zosapo luka‐Sirayeli. ₄₂Wayebala u‐Mosesi, njengokuba uyehova ebemyalele, onke amazibulo pakati kwosapo luka‐Sirayeli. ₄₃Onke amazibulo engamadoda, ngombalo wamagama, abudala buyinyanga nye nobupezulu, abalweyo awo, ebengamawaka angamashumi mabini enesibini anamakulu mabini anamashumi asixe̔nxe enesitatu.

₄₄Waza wateta uyehova ku‐Mosesi, esiti: ₄₅Tabata aba‐Levi esikundleni sawo onke amazibulo pakati kwosapo luka‐Sirayeli, nenkomo zaba‐Levi esikundleni senkomo zalo; ngokuba aba‐Levi beya kuba ngabam: mna ndi nguyehova. ₄₆Nalawomakulu mabini anamashumi asixe̔nxe enesitatu aya kukululwa, agqitayo pezu kwaba‐Levi, kuwo amazibulo osapo luka‐Sirayeli; ₄₇uya kutabatela wona amanye ngamanye ishekele zibe ntlanu; ezingangayo ishekele yeyingcwele indawo wozitabata; zigera ezimashumi mabini ishekele leyo. ₄₈Wauya kunika leyomali ku‐Arone nakonyana bake, ibe yeyokukululwa kwagqitayo pakati kwawo. ₄₉Waye u‐Mosesi watabata imali yokukululwa kwawo agqitayo pezu kwakululwayo ngaba‐Levi: ₅₀kwa kuwo amazibulo osapo luka‐Sirayeli wayitabata imali leyo; iliwaka elinamakulu matatu anamashumi matandatu anesihlanu leshekele, ngeshekele yeyingcwele indawo. ₅₁Waza u‐Mosesi wayinika imali yawo akululweyo ku‐Arone nakonyana bake, ngelizwi likayehova, njengokuba uyehova ebemyalele u‐Mosesi.