Imibalo 14

₁Yasuka yakala yonke intlanganiso, yakupa ilizwi labo; bati abantu balila ngobusuku obo. ₂Lwaza lwonke usapo luka‐Sirayeli lwaṙoṙa ngaku‐Mosesi nangaku‐Arone; kanjalo yonke intlanganiso yati kubo: Akwaba sabesifele ezweni le‐Jipete! umhlaumbi akwaba sabesifele kulentlango! ₃Kunganina ke ukuba uyehova usizisile kwelilizwe, size siwe ngesiṙele, bati abafazi betu, nentsapo zetu, babe lixoba? Kanene akungesilungele ukubuyela e‐Jipete na? ₄Baza bati omnye kwomnye: Masidale intloko, sibuyele e‐Jipete.

₅Bandul’ ukuwa u‐Mosesi no‐Arone ngobuso babo, pambi kwawo wonke umhlambi wentlanganiso yosapo luka‐Sirayeli. ₆Bati no‐Yoshuwa unyana ka‐Nune, no‐Kalebi unyana ka‐Jefune, bengabakubo ababepandile ilizwe, baṙazula izivato zabo; ₇bateta kuyo yonke intlanganiso yosapo luka‐Sirayeli, besiti: Elozwe, esibe sicanda kulo silipande, lilizwe elilungileyo kakulu kunene. ₈Ukuba uyehova uyasitanda, uya kwandula asizise kwelolizwe, alinike kuti; ilizwe elela ubisi nobusi. ₉Zeniti kodwa ningamvukeli uyehova, nabantu belozwe ningaboyiki; ngokuba besisonka setu; kumkile kubo umtunzi wabo, uyehova unati; ningaboyiki. ₁₀Yati kodwa yonke intlanganiso: Mabagityiselwe ngamatye.

Kwandul’ ukubonakala ubungcwalisa bukayehova ententeni yentlangano, pambi kwalo lonke usapo luka‐Sirayeli. ₁₁Waza wati uyehova ku‐Mosesi: Kude kube ninina ababantu bondidela? nakude kube ninina bangakolwa ndim, ngenxa yayo yonke imiqondiso endiyenzileyo pakati kwabo? ₁₂Ndiya kubabeta ngesifo esibubisayo, ndibagqogqe nokubagqogqa; ndandiya kukwenza wena ube luhlanga olukulu nolunamandla pezu kwabo.

₁₃Kuloko u‐Mosesi wati kuyehova: Kwohla kuvakale kuma‐Jipete, (ngokuba ubanyusile ngamandla ako ababantu kwa pakati kwawo,) ₁₄ati wona axele kubo abemi belilizwe, abavile ukuba wena, Yehova! upakati kwabo ababantu, ukuba wena, Yehova! uyabonwa iliso kwiliso, nokuba ilifu lako limi pezu kwabo, nokuba uyandulela kubo ngentsika yelifu emini, nangentsika yomlilo ebusuku. ₁₅Nxa uya kububisa ababantu njengomntu mnye, ziya kwandula ukutsho intlanga ezivileyo udumo lwako, zisiti: ₁₆Ngenxa yokuba ebekohlwa uyehova kukuzisa ababantu kwelozwe wabefunga ngalo kubo, kukona ababulele entlango. ₁₇Kaloku maaze amandla enkosi abe makulu, njengokuba ubuteta ngokuti: ₁₈Uyehova uqumba kade, emkulu ngobubele, exolela inkohlakalo nesigqito, engake agwebele onetyala, esohlwayela inkohlakalo yoyise pezu kwabantwana, pezu kwesesitatu napezu kwesesine isizukulwana. ₁₉Uze uke uxolele inkohlakalo yababantu, njengobukulu bobubele bako, nanjengokuba ubaxolele ababantu kwa se‐Jipete kwada kwalapa.

₂₀Waza wati uyehova: Ndibaxolele njengelizwi lako. ₂₁Kodwa noko, ndihleli nje mna, kwozaliswa bubungcwalisa bukayehova umhlaba wonke. ₂₂Ngokuba onke lomadoda abonileyo ubungcwalisa bam, nemiqondiso yam, endibe ndiyenza e‐Jipete nasentlango apa, endilingile elishumi lamaxesha, engapulapulanga ilizwi lam; ₂₃ngenyaniso akasayi kubona elozwe ndibafungele oyise bawo ngalo; kanjako bonke abandidelileyo abasayi kulibona. ₂₄Kanti isicaka sam u‐Kalebi, ngokuba ebenomoya wumbi kuye, wakolisa ukundilandela, yena ndiya kumzisa kwelozwe apo wabesiya kona; kanjalo inzalo yake yolifuya. ₂₅Kodwa ama‐Amaleki naba‐Kanane bahleli emhlanjeni; jikani ngomso, nihambele ngasentlango, ngendlela yaselwandle olubomvu.

₂₆Wabuya wateta uyehova ku‐Mosesi naku‐Arone, esiti: ₂₇Kwoda kube ninina endiya kunyamezela lentlanganiso ekohlakeleyo, eṙoṙayo ngakum? Ukuṙoṙa kwosapo luka‐Sirayeli olundiṙoṙelayo ngako ndikuvile. ₂₈Yiti kulo: Ndihleli nje, utsho uyehova, njengokuba nitetile ezindlebeni zam, ndiya kwenje njalo kuni. ₂₉Kwa kulentlango ziya kuwa izidumbu zenu; nabo bonke ababalweyo benu, ngalo lonke inani lenu, bengabaminyaka imashumi mabini nabapezulu ubudala babo, abaṙoṙileyo ngakum, — ₃₀nina okunene aniyi kungena kwelozwe, endandipakamisa isandla sam sokuba ndonihlalisa kulo, kupela ngu‐Kalebi unyana ka‐Jefune, no‐Yoshuwa unyana ka‐Nune. ₃₁Kanti intsapo zenu, enibe nisiti zoba lixoba, zona ndiya kuzingenisa, zize zilazi ilizwe elilahliweyo nini. ₃₂Kodwa nina, izidumbu zenu ziya kuwa kulentlango. ₃₃Nabantwana benu bona bodungudela entlango le iminyaka imashumi mane, batwale imibulo yenu, kude kugqityelwe izidumbu zenu entlango apa. ₃₄Njengenani lemihla enanipanda ilizwe ngalo, imihla emashumi mane, umhla mnye usendaweni yomnyaka mnye, niya kutwala inkohlakalo zenu, kwa iminyaka emashumi mane; naniya kukwazi ukwahlukana kwam. ₃₅Mna Yehova nditetile; ngenyaniso lento ndiya kuyenza kuyo yonke lentlanganiso ekohlakeleyo, abazihlanganisele ngakum: kulentlango baya kugqibeka, nakona apo baya kububa.

₃₆Kekaloku amadoda abewasusile u‐Mosesi ukuya kupanda ilizwe, aza abuya, aṙoṙisa ngakuye yonke intlanganiso, ngokuvelisa intlebo pezu kwelozwe, ₃₇kwa lamadoda abevela nentlebo embi ngelolizwe, abuba ngesibulalo ebusweni bukayehova. ₃₈Kodwa u‐Yoshuwa unyana ka‐Nune, no‐Kalebi unyana ka‐Jefune, bona babesahleli kuwo amadoda lawo abeyile ukupanda ilizwe.

₃₉Waye u‐Mosesi wateta lamazwi kulo lonke usapo luka‐Sirayeli: bati abantu balila kakulu. ₄₀Baza bavuka kusasa, benyukela engcopo yentaba, besiti: Nanku silapa nje, sasiya kunyuka siye kulondawo atetileyo uyehova ngayo; ngokuba sonile. ₄₁Koko u‐Mosesi wati: Kunganina lento niya kugqita ilizwi likayehova? ngokuba oko kungayi kutamsanqeleka. ₄₂Maningenyuki, ngokuba uyehova engeko pakati kwenu; ukuze ningoyiswa pambi kwentshaba zenu. ₄₃Ngokuba ama‐Amaleki naba‐Kanane sebekona pambi kwenu, naniya kuwa ngesiṙele: ngenxa yokuba nipambukile kuyehova, kukona uyehova angayi kubako nani. ₄₄Balinga nger̔atshi noko ukunyukela engcopo yentaba; kodwa ityeya yocebano lukayehova ayisukanga pakati kwomnquba, no‐Mosesi kanjalo.

₄₅Kwaza kwehla ke ama‐Amaleki naba‐Kanane abebehlala kulontaba, bababeta, babacita, kwada kwase‐Horema.