U‐Malaki 1

₁UMGWEBO welizwi likayehova ko‐Sirayeli ngaye u‐Malaki.

₂Ndinitandile nina, utsho uyehova; kanti niti: Usitandile ngokuyinina? U‐Esau ubengengumkuluwe ku‐Yakobi na? utsho uyehova; noko ndamtanda u‐Yakobi, ₃no‐Esau ndamtiya; ndazenza intaba zake zibe yingci̔takalo, nelifa lake libe lelempungutye zentlango. ₄Ngokokuba isiti i‐Edome: Sihlentshuzisiwe, kodwa sobuya siwake amanxuwa; utsho uyehova wemikosi ukuti: Bangaka bona, kodwa ndiya kuci̔ta mna; babeya kubizwa ngokuti: Ngumda wenkohlakalo; nangokuti: Ngabantu uyehova abaqumbelayo kude kube ngunapakade. ₅Aya kubona namehlo enu, naniya kuti: Uyehova makenzwe mkulu kwa semdeni wakwa‐Sirayeli.

₆Ongunyana uyambeka uyise, nosisicaka inkosi yake: ukuba ke ndinguyise, kupina ukubekwa kwam? nokuba ndiyinkosi, kupina ukwoyikwa kwam? utsho uyehova wemikosi kuni, baperisite, abadelayo igama lam! Niti noko: Igama lako silidelile ngokuyinina? ₇Ngokunikela isonka esinco̔lisekileyo pezu kwezibingelo zam. Niti noko: Sikunco̔lisile ngokuyinina? Ngokutsho kwenu ukuti: Itafile kayehova idelekile. ₈Kanjalo xeshekweni ninikelayo into eyimfama ibe lidini, asi kuko okubi na? naxeshekweni ninikelayo esisiqwala nengumlwelwe, asi kuko okubi na? yinikeleni ke kwinkosi yako; yokoliswa nguwe na? umhlaumbi yobubuka ubuso bako na? utsho uyehova wemikosi. ₉Ngako kaloku, bongozani utixo, ukuba asipate ngofefe: kuhlile oku ngani; wobubuka ubuso benu na? utsho uyehova wemikosi. ₁₀Ngubanina kwa pakati kwenu oya kuvala ingcango? ewe, aniyi kubasa pezu kwesibingelo sam ungeko umvuzo. Andinaluyolo kuni, utsho uyehova wemikosi, andiyi kuwamkela umnikelo wokudla esandleni senu kanjalo. ₁₁Koko kwa sekupumeni kwelanga kude kube sekutshoneni kwalo, loba likulu igama lam pakati kwezizwe; nakuzo zonke indawo isiqu̔miso siya kunikelwa kwigama lam nomnikelo wokudla ococekileyo: ngokuba igama lam liya kuba likulu pakati kwezizwe, utsho uyehova wemikosi. ₁₂Kodwa nina nilidyobile ngokutsho kwenu ukuti: Itafile kayehova inco̔lisekile, nesixakato sayo, ukutya kwayo, sidelekile. ₁₃Nite kanjako: Hai ukuba yinkatazo ke! ewe, nikucekisile, utsho uyehova wemikosi; nanizisile inxweleṙa, nesiqwala, nomlwelwe; nizisile nomnikelo wokudla; ngendiwamkela esandleni senu na? utsho uyehova. ₁₄Kodwa makaqalekiswe umkohlisi, onenkunzi emhlambini wake, andule asenze isibambiso, anikele enkosini into eyonakeleyo; ngokuba ndingukumkani omkulu, utsho uyehova wemikosi, negama lam liya kwoyikeka pakati kwezizwe.