1WATI emvenikweni abegqibele zonke iziteto zake ekuveni kwabantu, wangena e‐Kapenayume. 2Kekaloku isicaka senkosikulu etile, esibe sibekwa yiyo, sasisifa, siza kububa. 3Yati yakuva ngaye u‐Yesu, yatuma kuye abadala bama‐Juda, imtandaza ukuba eze asipilise isicaka sayo. 4Kekaloku bakufika ku‐Yesu, banxamela ukumbongoza, besiti: Ufanele lowo uya kumenzela oku; 5ngokuba etanda uhlanga lwetu, enguye kanjalo owasakela indlu yentlanganiso yetu. 6Waza u‐Yesu wahamba nabo. Wati akuba engekabi kude endlwini, inkosikulu yatuma izihlobo kuye, isiti kuye: Nkosi! ungakatazeki; ngokuba ndingafanelekile ukuba ungene ngapantsi kwentungo yendlu yam: 7ngoko kanjalo andaba ndifanele mna ngokwam ukuza kuwe: zutete ngelizwi, sasiya kuti isicaka sam sipiliswe. 8Ngokuba nam ndingumntu omiswayo pantsi kwegunya labanye, ndinamasodati pantsi kwam; nditi ke kwelinye: Yiya! liye; nakwelinye: Yiza! lize; nakwisicaka sam: Yenza oku! senze ke. 9Waza u‐Yesu akuva ezizinto wayitela nqa, wajika wati kwisihlwele esibe simlandela: Nditi kuni, andifumananga lukolo olungaka nakwa‐Sirayeli. 10Baza abo babetunyiwe babuyela endlwini, basifumana isicaka esibe sisifa sipilile.
11Kwaye kute ngolandelayo umhla, waya esixekweni esibizwa ngokutiwa yi‐Nayine: kwaza kwampeleka into eninzi yabadisipile bake, nesihlwele esikulu sabantu. 12Kekaloku xeshekweni ebesondela esangweni lesixeko, bona ke, bekutwalelwa pandle umntu ofileyo, ekupela kwomntwana wonina, naye yena ebengumhlolokazi: saye sinaye isihlwele esikulu sasesixekweni. 13Yati inkosi yakumbona, yabetwa lusizi ngaye, yati kuye: Ungalili. 14Yayisiza yacu̔kumisa itala; bati abatwali bema. Yaza yati: Ndodana! nditi kuwe, vuka. 15Wasuka wahlala ofileyo, waqala ukuteta. Yaza yamnikela kunina. 16Babanjwa kukwoyika ke kwa bonke, baye bedumisa utixo, besiti: Umprofite omkulu uvukile pakati kwetu; nakanjalo: Utixo ubakangele abantu bake. 17Yaza lendaba ngaye yapumela kuyo yonke i‐Judeya, nakulo lonke ilizwe langakona.
18Kwaye kushunyayelwa ku‐Johane ngabadisipile bake ngazo zonke ezizinto. 19Waza u‐Johane wabiza ababini bakubadisipile bake, wabatuma ku‐Yesu, esiti: Unguye ozayo na, silinde omnye kusinina? 20Kekaloku akufika kuye amadoda lawo, ati: u‐Johane umbapitizeshi usitumile kuwe, esiti: Unguye ozayo na, silinde omnye kusinina? 21Wati ke ngelona xeshana wapilisa abaninzi ezifeni, nasezibulaweni, nakomoya abakohlakeleyo; nemfama ezininzi wazipa ukubona. 22Waza wapendula u‐Yesu wati kubo: Hambani nishumayeze u‐Johane izinto enizibonileyo nenizivileyo; zokuba imfama ziyamkela ukubona kwazo, iziqwala ziyahamba, amaleperi ayahlanjululwa, izitulu ziyeva, abafileyo bayavuswa, amahlwempu indaba ezilungileyo ziyashunyayelwa kuwo. 23Kanjalo unetamsanqa osukuba engaxakaniswa ngam.
24Kekaloku zakuba zimkile izitunywa zika‐Johane, waqala ukuti kwizihlwele ngaye u‐Johane: Nipumele entlango ukuya kubonela nto nina? ingcongolo izanyazanyiswa ngumoya na? 25Kodwa nipumile ukuya kubona nto nina? umntu evatisiwe ngezivato ezitambileyo na? bona ke, abo bahleli ekuvateni okubungcwalisa nasebuyolweni basezindlwini zokumkani. 26Kodwa nipumile ukuya kubona nto nina? umprofite na? ewe, nditi kuni, nogqitisele umprofite. 27Nguye lo kuba̔liwe ngaye ukuti: Bona ke, ndiyatuma isitunywa sam pambi kwobuso bako, esiya kulungisa indlela yako pambi kwako. 28Ngokuba ndisiti kuni: Pakati kwabazelweyo ngabafazi akuko namnye umprofite omkulu ku‐Johane umbapitizeshi; kodwa lowo umncinane kwabanye ebukumkanini bukatixo umkulu kuye.
29Baza bonke abantu bakuva, kwa nababuti beminikelo, bavumela ukulunga kukatixo, bebapitizeshiwe ngobapitizesho luka‐Johane. 30Kodwa abafarisi nabaqondisimteto bazilahlela icebo likatixo, bengabapitizeshwanga nguye.
31Yayisiti inkosi: Ndobafanisa nanto nina abantu besisizukulwana? bafana nanto nina ke? 32Bafana nabantwana behleli endaweni yentengo, bememezelana, besiti nokuti: Sanigwalela, anaduda ke; sanenzela isililo, analila ke. 33Ngokuba u‐Johane umbapitizeshi ezile engatyi sonka engaseli veyine, naza nati: Unedemoni. 34Unyana wesintu uzile esitya esela, naza nati: Nanku umntu ozinxalayo olinxila, umhlobo wababuti beminikelo naboni. 35Kanti ubulumko bugwetyelwe lusapo lwabo lwonke.
36Kekaloku owabasebafarisini wamtandaza ukuba atye naye. Waza wangena endlwini yomfarisi lowo, wahlala ekutyeni.
37Waza wati, bona ke, umfazi wasesixekweni, obengumoni, akuqonda ukuba uhleli ekutyeni endlwini yomfarisi lowo, wazisa iqaka leyalabastere linamafuta mnandi, 38wema ngasezinyaweni zake ngasemva elila, waqala ukunyela inyawo zake ngenyembezi, wazisula ngenwele zentloko yake, wanga inyawo zake, wazitambisa ngamafuta mnandi lawo. 39Kekaloku umfarisi obemmemile, akubona oko, wateta pakati kwake, esiti: Lo, ukuba ebengumprofite, ngeeba esazi ukuba ungubanina nokuba ungonjanina lomfazi umcu̔kumisayo; ngokuba engumoni.
40Waza wapendula u‐Yesu wati kuye: Simone! ndifun’ ukuteta into kuwe: (Wayesiti: Mfundisi! yitete:) 41Bekuko abantu ababini ababenetyala kumboleki etile: omnye wabenetyala ledenari ezimakulu mahlanu, omnye wabenelezimashumi mahlanu. 42Kekaloku bengenanto yokuhlaula, wabaxolela bobabini. Ndixelele ngoko, nguwupina kubo oya kumtanda ngokukulu? 43Wapendula u‐Simone wati: Ndiba ngulowo wamxolelayo okukulu. Wati kuye: Ulungisile ukugweba kwako.
44Waza wajikela ngakumfazi, wati ku‐Simone: Uyambona na lomfazi? Ndangena endlwini yako; amanzi akwawanikela inyawo zam; kodwa lo wanyela inyawo zam ngenyembezi, wazisula ngenwele zentloko yake: 45akwandanga; kodwa lo, kuseloko ndangenayo, akayekanga ukwanga inyawo zam: 46intloko yam akwayitambisa ngeoli; kanti lo uzitambisile inyawo zam ngamafuta mnandi. 47Ngenxa yoku nditi kuwe: Zixolelwe izono zake ezininzi, ngokuba watanda kakulu: kanti lowo uxolelwayo okuncinane, uyatanda kancinane. 48Wayesiti kuye: Zixolelwe izono zako. 49Baza abo babehleli ekutyeni ndawonye naye baqala ukuti pakati kwabo: Ngubanina lo, oxolelayo nezono? 50Wayesiti kumfazi: Ukolo lwako lukusindisile; hamba ngoxolo.
