Ivangeli ka‐Luke 23

₁WAZA wesuka kwa wonke umhlambi wabo, wamr̔olela ku‐Pilati.

₂Kekaloku baqala ukumnika ityala, besiti: Samfumana lo epambukisa uhlanga lwetu, esalela ukunika iminikelo ku‐Kesare kanjalo, esiti kwa yena ungu‐Kristu ukumkani. ₃Waza u‐Pilati wambuza, esiti: Ungukumkani wama‐Juda na? Wapendula kuye wati: Utsho wena.

₄Waza u‐Pilati wati kubaperisite abakulu nakwizihlwele: Andifumani tyala kulomntu. ₅Koko bebejoka ngakumbi, besiti: Uyavuselela abantu, efundisa kuyo yonke i‐Judeya, eqalile kuyo i‐Galili kwada kwalapa. ₆Wati u‐Pilati akuva i‐Galili, wabuza ukuba umntu lowo ebengum‐Galili na. ₇Waza akuqonda ukuba ungowasebukosini buka‐Herodi, wamtuma ku‐Herodi, obeko naye e‐Yerusaleme kwezintsuku. ₈Wati u‐Herodi akubona u‐Yesu, wavuya kunene; ngokuba kube kukade efuna ukumbona, ngenxa yokuba ebesiva izinto ezininzi ngaye; ebetemba nokuba uya kubona umqondiso usenziwa nguye. ₉Waza wambuza ngamazwi amaninzi; kodwa akampendula nto. ₁₀Bebemi nabaperisite abakulu nababa̔li, bemnika ityala ngamandla. ₁₁Waza u‐Herodi wamdela, kunye namasodati ake, wamhleka, wamambatisa isivato esikazimlayo, wabuya wamtuma ku‐Pilati. ₁₂Bati kekaloku u‐Pilati no‐Herodi kwa ngalomini baxolelana: ngokuba bebefudula benobutshaba omnye nomnye.

₁₃Waza u‐Pilati akuba ebebizele ndawonye kuye abaperisite abakulu, nabapati, nabantu, ₁₄wati kubo: Nimzisile kum umntu lo, njengokuba engosongayo abantu; kekaloku bona ke, ndimbuzile ebusweni benu nje, andifumananga tyala kulomntu, ngezozinto nimnika ityala ngazo: ₁₅akafumana no‐Herodi kanjalo; ngokuba ndindanituma kuye; kanti bona ke, akuko nto efanele ukufa eyenziweyo nguye: ₁₆ndiya kuti ngoko ndimbete ndimkulule. ₁₇(Kekaloku ebefanelwe kukuti ngomtendeleko lowo abakululele umbanjwa abe mnye.) ₁₈Kodwa badanduluka wonke umhlambi kunye, besiti: Susa lo, usikululele u‐Baraba: ₁₉(umntu obete ngenxa yempitimpiti etile ebe yenziwe esixekweni nombulalo, waposelwa entolongweni.)

₂₀Wandula u‐Pilati wabuya wateta kubo, efuna ukukulula u‐Yesu. ₂₁Kuloko bebememeza, besiti: Mkuruseshe, mkuruseshe yena. ₂₂Waza wati kubo ngokwesitatu: Wenze ukukohlakala kunina pofu lo? andifumananga tyala lokuba afe kuye: ndiya kuti ngoko ndimbete ndimkulule. ₂₃Kodwa bebenyakatisa ngamazwi amakulu, bebiza ukuba akuruseshwe. Ada amazwi abo nawabaperisite oyisa. ₂₄Waza u‐Pilati wagweba ukuba kwenziwe ngesibizo sabo: ₂₅wabakululela ke lowo ubeposelwe entolongweni ngenxa yempitimpiti nombulalo, oyena babembiza: kodwa u‐Yesu wamnikela ekutandeni kwabo.

₂₆Baza bati bakuba bebemr̔ola, babamba u‐Simone, umntu otile wase‐Kirene, obevela ezindleni, bayibeka pezu kwake ikuruse, ukuba ayitwale emva kwo‐Yesu.

₂₇Kekaloku ebelandelwa sisihlwele esikulu sabantu, nesabafazi, abebesenza isijwili nesililo ngaye. ₂₈Koko u‐Yesu ejikele ngakubo wati: Zintombi zase‐Yerusaleme! ningalili pezu kwam, kodwa lilani pezu kwenu napezu kwabantwana benu: ₂₉ngokuba, bona ke, imihla isiza ekuyo kuya kutiwa: Banetamsanqa abazindlolo, nezizalo ezingazalanga, namabele anganyisanga. ₃₀Baya kwandula baqale ukuti ezintabeni: Siweleni; nasezindulini: Sigubungeleni. ₃₁Ngokuba, xeshekweni bazenza ezizinto kumti oluhlaza, kuya kuhla nto nina kowomileyo?

₃₂Kwaye kur̔olwa nabanye bebabini, abenzi benkohlakalo, ukuya kubulawa kunye naye. ₃₃Bati bakufika endaweni ebizwayo ngokuti yeyenkankani, bamkuruseshela kona, kwa nabenzi benkohlakalo, omnye ngasekunene, nomnye ngasekohlo.

₃₄Wayesiti u‐Yesu: Bawo! baxolele; ngokuba bengazi into abayenzayo. Bati bezaba ingubo zake, benza amaqashiso.

₃₅Kekaloku bebemi abantu bebonela. Baza bamsinekela, kwa nabapati kunye nabo, besiti: Wabasindisa abanye, makazisindise yena ngokwake, ukuba lo unguye u‐Kristu, umqashwa katixo. ₃₆Kanjalo namasodati ebemhleka, esiza kuye, emzisela neyasine, ₃₇esiti nokuti: Ukuba wena ungukumkani wama‐Juda, zisindise.

₃₈Kwaye kuko nesiba̔lwa siba̔liwe pezu kwake ngamagama angokwama‐Girike, nangokwama‐Roma, nangokwama‐Hebere, sokuti: Lo ungukumkani wama‐juda.

₃₉Wati kekaloku omnye wabenzi benkohlakalo abebexo̔nyiwe wamgxeka, esiti: Ukuba wena unguye u‐Kristu, zisindise nati. ₄₀Kodwa wapendula omnye wamtetisa, esiti: Akumoyiki utixo nawe na, ukwa koku kona ukugwetywa nje? ₄₁Nati okunene sikuko ngokulungileyo; ngokuba sikwamkele okuyelelana nezinto esazenzayo; kodwa lo akenza nto esisono. ₄₂Waza wati ku‐Yesu: Ndikumbule, Nkosi! xeshekweni uzayo ebukumkanini bako. ₄₃Waza u‐Yesu wati kuye: Ngokwenene nditi kuwe: Namhla nje uya kubako nam eparadisi.

₄₄Yanga yayiyure yesitandatu, kwaza kwabako ubumnyama pezu kwalo lonke ilizwe yada yayiyure yesitoba. ₄₅Lenziwa mnyama nelanga; kanjalo ikuselo lendawo eyingcwele laṙazulwa pakati.

₄₆Waza wadanduluka ngelizwi elikulu u‐Yesu, wati: Bawo! ndiyanikela umoya wam ezandleni zako. Wati akuba ebetshilo waqauka umpefumlo.

₄₇Kekaloku inkosikulu yakubona into eyenzekileyo, yadumisa utixo, isiti: Ngokwenyaniso umntu lo ebengolungileyo.

₄₈Bati nabantu bonke abebebutanele lombonelo, bebona izinto ezenzekileyo, babuya bebeta izifuba zabo. ₄₉Bebemi nabo bonke babesazana naye bekude, kwa nabafazi abebempelekile evela e‐Galili, bekangela ezizinto.

₅₀Kekaloku bona ke, indoda egama lingu‐Josefe, ingumpakati, indoda elungileyo nenobulungisa, ₅₁(yona le ibingavumelene necebo lamanye nesenzo sawo,) eyase‐Arimateya isixeko sama‐Juda, nebilinda ubukumkani bukatixo nayo, ₅₂yona le yeza ku‐Pilati, yacela umzimba ka‐Yesu. ₅₃Yaza yawutula, yawusongela eqiyeni, yawubeka encw̔abeni elimbelweyo eweni, apo kwaye kungazanga kulale mntu kona. ₅₄Lomhla ubungowokulungiselela, nesabata ibisondela.

₅₅Bati kekaloku nabafazi, abo bebezile naye bepuma e‐Galili, balandela, babona incw̔aba, nokuba kwatiwa nina ukubeka umzimba wake. ₅₆Babuya ke, balungisa izimnandi namafuta emore; baza bapumla ngesabata njengokwomyalelo.