1KWAYE kute akuba engene endlwini yomnye wabapati bakubafarisi ngesabata ukutya isonka, bati bona bamgqala. 2Kekaloku bona ke, bekuko umntu otile enesifo samanzi pambi kwake. 3Waza wapendula u‐Yesu watsho kubaqondisimteto nabafarisi, esiti: Kufanelekile ngesabata ukupilisa kusinina? 4Kodwa bati cwaka. Waza wambamba, wampilisa, wamndulula; 5wapendula kubo, wati: Kuya kweyela emnxu̔nyeni iqwaṙashe umhlaumbi inkabi yawupina wakuni, ongayi kuti ahle ayinyuse ngomhla wesabata? 6Baza bakohlwa kukupind’ ukumpendula ngezindawo.
7Wayeteta kwabamenyiweyo umzekeliso, akunakana okokuba bebenyula izihlalo zobukulu, esiti kubo: 8Xeshekweni umenyelwayo emtshatweni ngumntu, ungahlali pantsi esihlalweni sobukulu; hleze obekekileyo kuwe abe emenyiwe nguye; 9aze ati lowo wamemayo wena naye eze ati kuwe: Nika lo indawo; uze wandule uqale ngentloni ukubamba indawo yasezantsi. 10Koko xeshekweni umenywayo, yiya uhlale pantsi endaweni yasezantsi, ukuze ke, akuza okumemileyo, abe nokuti kuwe: Sihlobo! nyukela ngasentla; uya kwandula ukuba nembeko ebusweni babo bonke abahleli ekutyeni ndawonye nawe. 11Ngokuba osukuba ezipakamisa, uya kutotywa; nalowo uzitobayo, uya kupakanyiswa.
12Wayeteta nakulowo ubemmemile, esiti: Xeshekweni usenza isidlo sasemini, umhlaumbi isidlo sokuhlwa, ungabizi izihlobo zako, nabazalwana bako, nezalamane zako, nabamelwane abazityebi; hleze nabo babuye bameme wena, uze wenzelwe umvuzo. 13Koko xeshekweni usenzayo isidlo, mema amahlwempu, izilima, iziqwala, imfama; 14wauya kuba netamsanqa ke; kuba bona bengenako ukukuvuza: ngokuba uya kuvuzwa eluvukweni lwabalungileyo.
15Kekaloku akuti omnye wabahleli ekutyeni ndawonye naye weva ezizinto, wati kuye: Unetamsanqa lowo udlayo isonka ebukumkanini bukatixo! 16Koko yena wati kuye: Umntu otile wenza isidlo sokuhlwa esikulu, wamema abaninzi. 17Waza watuma isicaka sake ngexeshana lesidlo sokuhlwa ukuya kuti kwabamenyiweyo: Yizani; ngokuba kuse kulungisiwe konke. 18Baza baqala bonke ngentliziyo nye ukuzilandulela. Owokuqala wati kuso: Nditengile intsimi, ndifanelwe kukuti ke ndipume ndiyibone; ndiyakutandaza, mandilandulelwe. 19Wati nomnye: Nditengile izibini ezihlanu zenkabi, ndiyahamba ukuya kuzilinga ke; ndiyakutandaza, mandilandulelwe. 20Wati nomnye: Ndizekile umfazi, andingeze ke ngenxa yoku. 21Saza safika isicaka eso sashumayeza inkosi yaso ezizinto. Wandula umninindlu equmbile nje wati kwisciaka sake: Puma msinya uye ezitarateni nasezindleleni zesixeko, ungenise apa amahlwempu, nezilima, neziqwala, nemfama. 22Saza sati isicaka: Nkosi! kwenziwe njengoko uyalele ngako; kanti kuseko indawo. 23Yaza yati inkosi kwisicaka: Puma uye emendweni nasezintangweni, ubanyanzele bangene, ize izaliswe indlu yam. 24Ngokuba ndisiti kuni: Akuko namnye wabobantu bamenyiweyo oya kutya kwisidlo sokuhlwa sam.
25Kekaloku izihlwele ezininzi zibe zimpeleka: waza wajika wati kuzo: 26Ukuba umntu uyeza kum, engatiyi uyise, nonina, nomfazi, nabantwana, nabazalwana, nodade, ewe nobake ubomi kanjako, akangebe nguye umdisipile wam. 27Nosukuba engatwali ikuruse yake, eze emva kwam, akangebe nguye umdisipile wam.
28Ngokuba nguwupina kuni, efuna ukwaka inqaba, ongati tanci ahlale pantsi, abale inani, ukuba unako na okwanele ukuyigqiba? 29hleze kekuti, akuba ebekile umsekelo wayo, ekohlwa kukufeza nje, bonke ababonelayo baqale ukumhleka, 30besiti: Lomntu waqala ukwaka, wakohlwa kukufeza ke.
31Kanjalo nguwupina ukumkani, esiya kungena ekulweni nomnye ukumkani, ongahlali pantsi tanci, afune icebo lokuba unamandla na okuti enamawaka alishumi ahlangane nalowo uzayo ngakuye enamawaka angamashumi mabini? 32Ukuba akangenje njalo, uti, nxa asekude yena, atume izitunywa acele indawo eziyelela uxolo. 33Kwa njalo ke owakuni osukuba engancami konke anako, akangebe nguye umdisipile wam.
34Ityuwa yinto elungileyo: kodwa xeshekweni ityuwa ingabi nasongo, iya kuvakaliswa nganina? 35ayilungele nomhlaba nemfumba yomgquba; iyalahlelwa pandle yona. Onendlebe zokuva, makeve.
