Ivangeli ka‐Luke 10

₁EMVENI kwezizinto ke yadala inkosi nabanye, bemashumi asixe̔nxe, yabatuma ngababini ngababini pambi kwobuso bayo, kuzo zonke izixeko nendawo apo ibiza kuti yona iye kona.

₂Yandula yati kubo: Isivuno okunene sininzi, kodwa abasebenzi bancinane; tandazani ngoko kwinkosi yesivuno, ize iku̔pele esivunweni sayo abasebenzi. ₃Hambani; bona ke, ndiyanituma njengemvana pakati kwencu̔ka. ₄Ningatwali sidla, nenxowa, nezihlangu; ningabulisi mntu endleleni kanjalo.

₅Nendlu enisukuba ningena kuyo, yitini kuqala: Uxolo malube kulendlu! ₆Ukuba ke unyana woxolo ukona, uxolo lwenu luya kupumla pezu kwayo; okanye, luya kubuya luze kuni. ₇Hlalani ke kuleyo yona indlu, nisidla nisela ezonto banazo; ngokuba umsebenzi efanele umvuzo wake. Ningesuki kwenye indlu ukuya kwenye.

₈Nesixeko enisukuba ningena kuso, baze banamkele, yidlani ezonto zibekwayo pambi kwenu, ₉nipilise abafayo abakuso, niti kubo: Ubukumkani bukatixo sebukufupi kuni. ₁₀Kodwa isixeko enisukuba ningena kuso, baze banganamkeli, pumelani ezitarateni zaso, nitsho ukuti: ₁₁Kwa notuli lwasesixekweni senu, olunamatelayo kuti, siyalusulela ngakuni: noko yazini oku, ukuba ubukumkani bukatixo sebukufupi kuni. ₁₂Kodwa nditi kuni: Kwonyamezelekela i‐Sodome ngomhla lowo, ngapezu kwesosixeko.

₁₃Hai ubunzima bako, Korazine! hai ubunzima bako, Betesayida! ngokuba izenzo zamandla ezenzelwa kuni ukuba zazenzelwe e‐Tire nase‐Tsidone, zinga zibe ziguqukile kade zihleli entlakantlakeni naselututwini. ₁₄Kanjako kwonyamezelekela i‐Tire ne‐Tsidone emgwetyweni, ngapezu kwenu. ₁₅Nawe, Kapenayume! opakanyiselweyo kwa sezulwini, uya kuhliselwa kwa sehadesi.

₁₆Ovayo nina, uyeva mna; nowalayo nina, uyala mna; nowalayo mna, uyala owanditumayo.

₁₇Bati kekaloku abamashumi asixe̔nxe babuya ngovuyo, besiti: Nkosi! kwa nedemoni ziyasilulamela ngalo igama lako. ₁₈Yayisiti kubo: Ndandibona u‐Satane esiwa ezulwini njengokubaneka. ₁₉Bona ke, ndiyanipa igunya lokunyatela inyoka nonomadudwane, napezu kwawo onke amandla otshaba; kungabiko nento eya kuka inenzakalise. ₂₀Noko ningavuyi ngoku, ukuba omoya banilulamele; kodwa vuyani ngakumbi ukuba amagama enu aba̔lelwe ezulwini.

₂₁Ngeloxeshana wagcoba u‐Yesu emoyeni, wati: Ndiyakubulela, Bawo, Nkosi yezulu nomhlaba! ukuba ufihlele izilumko nezazi ezizinto, wazityilela intsana: ewe, Bawo! ngokuba okunjalo bekukolekile ebusweni bako. ₂₂Zonke izinto zinikelwe kum ngubawo: kanjako akuko mntu owaziyo ukuba ungubanina unyana, kupela nguyise, nokuba ungubanina uyise, kupela ngunyana, nosukuba unyana etanda ukumtyilela yena.

₂₃Waza wajikela ngakubadisipile, wati ngasese: Anetamsanqa amehlo abona izinto enizibonayo; ₂₄ngokuba ndisiti kuni: Baninzi abaprofite nokumkani ababefuna ukubona izinto enizibonayo nina, kanti abazibonanga; nokuva izinto enizivayo, kanti abazivanga.

₂₅Kekaloku bona ke, wesuka umqondisimteto otile, emlinga, esiti nokuti: Mfundisi! ndiya kwenza nto nina ukuba ndidle ilifa lobomi obungunapakade? ₂₆Wayesiti kuye: Yinto nina eba̔liweyo emtetweni? uti nina ukulesesha? ₂₇Wapendula wati: Uya kumtanda uyehova, utixo wako, ngayo yonke intliziyo yako, nangawo wonke umpefumlo wako, nangawo onke amandla ako, nangayo yonke ingqondo yako; nommelwane wako njengokuzitanda kwako. ₂₈Wayesiti kuye: Ulungisile ukupendula kwako; yenza oku, wauya kudla ubomi. ₂₉Kodwa yena efuna ukuzigwebela wati ku‐Yesu: Ungubanina ke ummelwane wam? ₃₀Wapendula u‐Yesu wati: Umntu otile wehla e‐Yerusaleme waya e‐Jeriko, wawa pakati kwamabada, ati wona amhluba ingubo zake, amenzela amanxeba, emka, emshiyile ngokungati uza kufa. ₃₁Kwahla kwehla umperisite otile ngaleyondlela, owati akumbona wadlula ngelinye icala. ₃₂Kwa njalo ke nom‐Levi akufika kulondawo, weza, wabona, wadlula ngelinye icala. ₃₃Kodwa um‐Samariya otile esekuhambeni weza kufupi naye, owati akumbona wabetwa lusizi, ₃₄wasondela, wabopa amanxeba ake, egalela ioli neveyine; waza wamkwelisa pezu kwelake ihashe, wamsa entangeni, wamgcina. ₃₅Wati ngomnye umhla akumka, war̔ola idenari zambini, wazinika kumninintanga, wati kuye: Mgcine ke; nento usukuba usalekela ukuyici̔ta, ndoti mna, nxa ndibuya ndize apa, ndiyibuyisele kuwe. ₃₆Nguwupina ngoko waba batatu uti wena uzenze ummelwane kulowo ubewile pakati kwamabada? ₃₇Wayesiti: Ngulowo wamenzelayo ububele. Wandula wati u‐Yesu kuye: Hamba, yenza kwa njalo nawe.

₃₈Kwaye kute ekuhambeni kwabo, wati yena wangena emzini otile; waza umfazi otile, ogama lingu‐Marita, wamamkela endlwini yake. ₃₉Wabe lo enaye udade obizwa ngo‐Mariya, obesiti yena, ehleli ngasezinyaweni zika‐Yesu, wapulapula ilizwi lake. ₄₀Kodwa u‐Marita waebideka ngokukonza okukulu; waza wema kufupi wati: Nkosi! akukatali na kukuba udade wam undiyekelele ndikonze ndedwa? mxelele ngoko ukuba andincede. ₄₁Koko wapendula u‐Yesu wati kuye: Marita, Marita! unesitukutezi nesipitipiti ngezinto ezininzi; ₄₂kodwa inye into eswelekayo; no‐Mariya usiqashile esosabiwo silungileyo, esingayi kususwa kuye.