I‐Levitikusi 12

₁WABUYA wateta uyehova ku‐Mosesi, esiti: ₂Teta nosapo luka‐Sirayeli, usiti: Umfazi nxa akaulileyo, wazala inkwenkwe, woba enco̔lile imihla ibe sixe̔nxe; njengasemihleni yokwahlukanela isifo sake woba enco̔lile. ₃Nangowesibozo umhla iya kwaluswa inyama yejwabu layo. ₄Uya kwandula ahlale egazini lokucokiswa kwake imihla ibe ngamashumi matatu anesitatu; konke okungcwele akayi kukucukumisa, neyingcwele indawo akayi kungena kuyo, kude kuzalisekiswe imihla yokucokiswa kwake. ₅Kodwa ukuba uzele inkazana woba enco̔lile iveki zibe mbini, njengasekwahlukaneni kwake; andule ahlale egazini lokucokiswa kwake imihla ibe ngamashumi matandatu anesitandatu.

₆Woti kwakuzalisekiswa imihla yokucokiswa kwake, ngenxa yonyana, umhlaumbi ngenxa yentombi, andule azise imvana yomnyaka mnye ibe lidini lokutshiswa, netole lezuba, umhlaumbi ihobe, libe lidini lesono, elucangweni lwentente yentlangano, kumperisite: ₇oya kuyinikela ebusweni bukayehova, amenzele uxoliso; aze acokiswe etonjeni legazi lake. Nguwo lo umteto walowo uzeleyo inkwenkwe, umhlaumbi inkazana. ₈Kodwa ukuba isandla sake asifumani okwanele imvana, makatabate amahobe abe mabini, umhlaumbi amatole ezuba abe mabini, elinye libe leledini lokutshiswa, elinye libe leledini lesono; ati umperisite amenzele uxoliso, abe yena ecokisekile.