Izililo 5

₁KUMBULA, Yehova! oko sihlelwe kuko: kangela, ubone ihlazo letu. ₂Ilifa letu libohlele kwabasemzini, nezindlu zetu kwabohlanga lumbi. ₃Sizinkedama, singenabawo; oma̔ betu banjengabahlolokazi. ₄Amanzi etu siyawasela ngemali; inkuni zetu zimelwa lixabiso. ₅Siyatshutshiswa pezu kwentamo zetu; siyazama, singenakupumla. ₆Ama‐Jipete siwanikele isandla, nama‐Asiriya, ukuba kuhlutiswe ngesonka. ₇Bonile obawo betu, abaseko; tina izikohlakalo zabo sizitwele. ₈Sipetwe zizicaka; akuko mntu okululayo ezandleni zazo. ₉Isonka setu siyasizuza ngobomi betu, ngenxa yeṙele lasentlango. ₁₀Intlonze yetu yaba mnyama njengeziko, ngenxa yolwopu lwendlala. ₁₁Kwadlwengulwa abafazi e‐Ziyone, nentombi zipela ezixekweni zakwa‐Juda. ₁₂Inkosana zixo̔nyiwe ngesandla sazo; abubekwanga ubuso babadala. ₁₃Kwatatyatwa amadodana ukuba asile, nabafana baku̔beka ngapantsi kwenkuni. ₁₄Abadala bapelile esangweni, namadodana ekuculeni kwabo. ₁₅Lupelile uvuyo lwentliziyo yetu; kuguqulwe ukududa kwetu kwaba kulila. ₁₆Siwile isitsaba sentloko yetu; hai ke usizi lwetu, ukuba sonile! ₁₇Ngenxa yoku intliziyo yetu icubukile; ngenxa yezizinto amehlo etu aluzizi. ₁₈Ngenxa yentaba ye‐Ziyone, ecitakeleyo; impungutye zihamba pezu kwayo. ₁₉Wena, Yehova! uhleli ngonapakade; iterone yako ikwisizukulwana ngesizukulwana. ₂₀Kunganina ukuba umane usilibala futi, nokuba usishiye ixesha elide kangaka? ₂₁Sibuyisele kwa kuwe, Yehova! sasiya kubuya: twasisa imihla yetu njengokwakudala. ₂₂Ngokuba okunene ugqibele ukusilahla; usiqumbele ngokukulu.