U‐Jobi 37

₁Okunene pezu kwoku iyangcangcazela intliziyo yam, iyantontoza isuke endaweni yayo. ₂Pulapulani kakulu ukudandata kwelizwi lake, nokudumzela okupumayo emlonyeni wake! ₃Ngapantsi kwezulu lonke uyalondisa, nemibane yalo ngasezincameni zomhlaba. ₄Emva kwayo kugquma ilizwi; uyaduduma ngelizwi lesitomo sake; akayilibazisi nxa livakeleyo ilizwi lake. ₅Utixo uyaduduma ngelizwi lake ngokungummangaliso; izinto ezinkulu uyazenza, esingenakuzazi. ₆Ngokuba esitsho kwingqweqwe ukuti: Yibako emhlabeni; utsho nakuwo, umvumbi wemvula, kwa umvumbi wemvula ezinkulu zake. ₇Isandla soluntu lwonke uyasincamatisela, ukuba babe nokwazi bonke abantu abenzileyo. ₈Ziti izilo zingene ezindaweni zokulala, zihlale eminxunyeni yazo. ₉Kuvela isaqwiti ezinkambilini zasesuyide, nengqele enode. ₁₀Ngokupefumla kukatixo kunikwa iliqwa, buti ububanzi bamanzi buxinane. ₁₁Kanjalo ngokunyakama uyadinisa ilifu elibungqingqwa; uyapangalalisa ilifu lokubaneka lake; ₁₂lona liyajikajika ngamacala onke ngokukapa kwake; ukuze enze konke awayalela ngako, pezu kwobuso bendawo ezimiweyo zomhlaba; ₁₃nokuba kungenxa yokubeta, nokuba kungenxa yelizwe lake, nokuba kungenxa yobubele, alifikisayo.

₁₄Nikela oku indlebe, Jobi! yima, ugqale imimangaliso katixo. ₁₅Uyazi na nxa utixo abeka inkumbulo pezu kwazo ezizinto, nanxa akazimlisa ukukanya kwelifu lake? ₁₆Uyaqonda na ukujingiswa kwamafu; imimangaliso yalowo ufezekileyo ngokwazi? ₁₇Uyaqonda na ziti nina ingubo zako ukufudumala, akuzolisa umhlaba ngomoya wasesuyide? ₁₈Ulitwabulule na kunye naye izulu, elomeleleyo njengesikangeliselo esityityishiweyo? ₁₉Sazise into siya kuyiteta kuye; ngokuba singeyilungiselele tina ngenxa yobumnyama. ₂₀Kuya kumtyelwa na ukuba ndiya kuteta? ukuba bekuya kutsho umntu, ngenyaniso ngeeginywa. ₂₁Ngokuba kaloku kungebonelwe ukukanya, kwakukazimla ezulwini, nxa udlulileyo umoya, walenza lisile. ₂₂Enode kuvela igolide; ngakuye utixo kuko ubungangamsha oboyikekayo. ₂₃Usomandla, asingemfumane! emkulu ngamandla nangobugwebo, nangobuninzi bobulungisa; akayi kubandezela. ₂₄Ngako oko abantu bayamoyika: akaboni abalumkileyo ngentliziyo noko amnye.