U‐Jobi 35

₁WABUYA wapendula u‐Elihu, wati:

₂Oku ke uyabala ngokuba kokufaneleyo na, ukuba ute: Ubulungisa bam bupezu kwo bukatixo? ₃Ngokuba ubusiti: Bondinceda nto nina? ndiya kuzuza nto nina ngapezu kwendizuza ngesono sam? ₄Ndiya kukunika impendulo, nabahlobo bako kunye nawe.

₅Beka ngasezulwini, ubone ke; uze ukangele amafu apezulu kuwe. ₆Ukuba wonile, uyenza nto nina ngakuye? nxa izigqito zako zininzi, umenzela nto nina? ₇Ukuba ulungile, kuyinto nina uyinika kuye? okanye, uyamkela nto nina esandleni sako? ₈Ubumenemene bako bungona umntu onjengawe, nobulungisa bako bunganceda unyana woluntu.

₉Ngenxa yobuninzi bembandezelo abantu bayakala; bayamemeza ngenxa yengalo yabakulu. ₁₀Kanti akuko oti: Upina utixo umenzi wam, onikayo amaculo ebusuku; ₁₁osifundisileyo ngapezu kwezilo zomhlaba, wasenza sigqite intaka zezulu ngobulumko? ₁₂Apo ke bayakala, kodwa akapenduli, ngenxa yer̔atshi labakohlakeleyo. ₁₃Okunene okungendawo utixo akayi kukuva, nosomandla akayi kukubona. ₁₄Kancinane kangakanana ngakumbi nxa uti akuyi kumbona! ityala lipambi kwake; ngako mlinde yena. ₁₅Kodwa kaloku, ngokuba ingqumbo yake ingohlwayi, nokuba engagqali isigqito kakulu; ₁₆ngako u‐Jobi ufumana avule umlomo wake; amazwi uyawandisa ngokungenakwazi.