U‐Jobi 27

₁WALEKELA u‐Jobi wahambisa isiteto sake, wati:

₂Ehleli nje utixo, osusileyo ibango lam, nosomandla, owenze ṙaṙa umxe̔lo wam; ₃kwa lonke ixesha umpefumlo wam ukum, nomoya katixo usempumlweni yam; ₄awusayi kuteta umlomo wam ubumenemene, nolwimi lwam aluyi kuxela inkohliso. ₅Makube kude kum ukuba nditi niyalungisa: kwa kude ndibube andisayi kushenxisa kum ubunene bam. ₆Ubulungisa bam ndiyabubamba; andiyi kubuyekelela: intliziyo yam ayinditukeli namnye wemihla yam.

₇Olutshaba lwam makabe njengokohlakeleyo, nondisukelayo njengolimenemene. ₈Ngokuba liyinto nina itemba lomginwa, nakuba aqwebayo, okuya utixo aya kuhluta umpefumlo wake? ₉Ukukala kwake wokuva na utixo, akufikelwa bubunzima? ₁₀Woziyolisa kusomandla na? uya kubiza kutixo ngamaxesha onke na?

₁₁Ndonifundisa ngokwesandla sikatixo; oko kukuye usomandla andiyi kukusitelisa. ₁₂Bona ke, nina nonke nikubonile ngokwenu: kunganina ngoko ukuba nibidize kangaka? ₁₃Oku kusisabelwa somntu okohlakeleyo kutixo, nelifa lababandezeli abalamkelayo kusomandla. ₁₄Ukuba baya kwanda abantwana bake, baya kwandela iṙele; nabazukulwana bake abayi kuhluta sisonka. ₁₅Abo bamsaleleyo boncw̔atyelwa ekufeni, nabahlolokazi bake abayi kulila. ₁₆Ukuba uya kufumbelela isilivere njengotuli, alungise nezivato njengodongwe; ₁₇angazilungisa ke, kodwa olungileyo wozambata, nesilivere ongenatyala uya kuyaba. ₁₈Indlu yake uyakile njengenundu, nanjengepempe ayenzayo umlindi. ₁₉Osityebi wolala pantsi, kanti akayi kubutelwa; uyavula amehlo ake, akaseko, ₂₀izituso ziya kumfumana njengamanzi; isaqwiti siyamtimba ebusuku. ₂₁Umoya wasempumalanga uyamsusa, emke ke; ewe uyamkukulisa endaweni yake ngoqwitela. ₂₂Ngokuba u‐Tixo eya kuposa pezu kwake, engenanceba nje; wonga angasaba esandleni sake. ₂₃Abantu baya kwenza intlombe ngezandla zabo pezu kwake, bamenzele namakwelo apume endaweni yake.