U‐Jobi 23

₁WAZA wapendula u‐Jobi, wati: ₂Kwa namhla nje isikalazo sam sibuṙaṙa; isibetwa sam sinzima ngapezu kwokugula kwam. ₃Andabi ndibe ndisazi apo ndingamfumana kona! ndinge ndisiza kwa sesihlalweni sake. ₄Ngendilungiselela ityala lam pambi kwake; nomlomo wam ngendiwuzalisa ngezizatu. ₅Ngendiwazi amazwi aya kundipendula ngawo; ndiqonde into aya kuyiteta kum. ₆Kungobukulu bamandla na uya kupika nam? Hai ke; uya kubeka amandla kum. ₇Apo ke olungisayo angapikisana naye; ngako ngendigqibela ukusinda emgwebini wam. ₈Bona ke, ndiya ngasempumalanga, kodwa akako kona; nangasentshonalanga, kodwa andingemqiqe; ₉ngasenode, apo asebenzela kona, kodwa andingemkangele: uyazisibekelisa ngasesuyide, ukuba andingembone.

₁₀Kodwa uyazi indlela endinayo; akuba endilingile, ndiya kuvela njengegolide. ₁₁Unyawo lwam lubambile umkondo wake; indlela yake ndiyigcinile, andipambukanga ke. ₁₂Umyalelo womlomo wake andimkanga nakuwo; ngapezu kwowam ummiso ndizibekele iziteto zomlomo wake.

₁₃Kodwa uyedwa yena, ngubanina ke ongamnqandayo? oko umpefumlo wake ukukanukayo, uya kukwenza kona. ₁₄Ngokuba eya kufeza okundimiselweyo: zinaye nezininzi izinto ezinjalo. ₁₅Ngako oko ndinevuso pambi kwobuso bake; ndakugqala, ndiyamoyika. ₁₆Ngokuba utixo eyenza butataka intliziyo yam; usomandla uyanditusa: ₁₇ngenxa yokuba bendinganqanyulwa bungekabiko ubumnyama, nokuba engagubungelanga isitokotoko ebusweni bam.