U‐Jobi 2

₁Kwabuya kwati ngomhla otile, nxa bezayo onyana bakatixo ukuzimisa pambi kwoyehova, weza no‐Satane pakati kwabo ukuzimisa pambi kwoyehova. ₂Wayesiti uyehova ku‐Satane: Uvela pina? Wapendula u‐Satane kuyehova, wati: Ekusukasukeni emhlabeni, nasekuhambahambeni kuwo. ₃Waza uyehova wati ku‐Satane: Ugqalile na isicaka sam u‐Jobi, ukuba akuko onjengaye emhlabeni, indoda efezekileyo, elungisayo, eyoyikayo utixo, epambukayo enkohlakalweni? osabamba ubunene bake, nangona ubundivusa ngakuye, ukuba ndimtshabalalise kungeko tuba. ₄Wapendula u‐Satane kuyehova, wati: Intlonze ngenxa yentlonze, ewe, konke umntu anako wokunika ngenxa yobomi bake. ₅Uz’ uti ke kodwa wolule isandla sako, upate amatambo ake nenyama yake, waeya kukugxeka ngasebusweni bako. ₆Waza uyehova wati kuye u‐Satane: Bona ke, usesandleni sako; kodwa ubomi bake ubugcine. ₇Wandul’ ukupuma u‐Satane ebusweni bukayehova, wambeta u‐Jobi ngamatumba amabi, kwa kuwo umzantsi wonyawo lwake kwada kwaselukakayini lwake. ₈Waza watabata icepe, ukuba aziṙwele ngalo; wabehleli pantsi ke pakati kwotutu. ₉Wandula umfazi wake wati kuye: Usabamba na ubunene bako? gxeka utixo, ufe ke. ₁₀Wayesiti kuye: Uyateta njengelinye lamagezakazi lisenje njalo ukuteta. Kanene, okulungileyo siya kukwamkela kutixo na, nokubi singakwamkeli yinina? Kuko konke oku akona u‐Jobi ngomlomo wake.

₁₁Kekaloku abahlobo abatatu baka‐Jobi beva bonke obububi abehlelwe bubo, bavela abanye ngabanye ezindaweni zabo, — u‐Elifazi um‐Temani, no‐Biledadi um‐Shuha, no‐Tsofare um‐Nahama; ngokuba bebevumelene ukuza kumku̔za nokumtutuzela. ₁₂Bati bakupakamisa amehlo abo bekude, abamazi; baza bapakamisa ilizwi labo, balila; basuka baṙazula abanye ngabanye ingubo zabo, batshiza utuli pezu kwentloko zabo ngasezulwini. ₁₃Bahlala pantsi ke ndawonye naye emhlabeni imini zasixe̔nxe nobusuku basixe̔nxe, kungeko namnye owateta ilizwi kuye; ngokuba bebebona ubuhlungu bake ukuba bukulu kakulu.