U‐Jobi 11

₁WAZA wapendula u‐Tsofare um‐Nahama, wati:

₂Ubuninzi bamazwi abuyi kupendulwa na? nomntu olibelebele uya kugwetyelwa na? ₃Ilwimi zako ziya kuwati cwaka amadoda na? wauya kuhleka na, aze angabiko okudanisayo? ₄Ngokuba ubusiti: Imfundiso yam imhlope, ndiyingcwele emehlweni ako. ₅Kodwa wanga angateta utixo, avule umlomo wake ngakuwe; ₆aze akwazise imfihlakalo zobulumko, ukuba zezipindiweyo kokukoyo! Yazi ngoko, ukuba utixo ukwenzele kulityalwe inxenye yenkohlakalo yako.

₇Ungati ngokupengulula na ufumane utixo? ungafumana usomandla na kude kube yimfezeko? ₈Ipakamile njengezulu nje, yinto nina ungayenzayo? inzulu kwihadesi nje, yinto nina ungayaziyo? ₉Ukulinganiswa kwayo kugqitisile umhlaba ngobude; kugqitisile ulwandle ngobubanzi. ₁₀Ukuba uti xafu, avalele, abize intlanganiso, ngubanina ongamnqandayo? ₁₁Ngokuba abantu bokungendawo ebazi yena; nenkohlakalo uyayibona, nakuba kungagqalwayo. ₁₂Ngokuba umntu oliholoholo eswele ukuqonda; ewe umntu uyazalwa enjengetole leqwaṙa lasendle.

₁₃Ukuba uti wena ubekise intliziyo yako, utwabulule izandla zako, ngakuye: ₁₄ukuba inkohlakalo isesandleni sako, yikwelelise kude; nobumenemene ungabuhlalisi ezintenteni zako: ₁₅ngenyaniso oko uya kupakamisa ubuso bako bungenasipako; wauya kwomelela, ungoyiki nokwoyika: ₁₆ngokuba ubunzima uya kubulibala; kwoba njengamanzi adlulileyo ukubukumbula kwako. ₁₇Ewe, ixesha lako liya kupuma linokukanya ngapezu kwemini enkulu; nakuba usongiwe ebumnyameni, uya kuba njengokusa. ₁₈Wauya kunqaba, ngokuba kuya kubako itemba; noko udanileyo, uya kulala ngokunqaba. ₁₉He, woti tyambalala, kungeko namnye oya kukutusa; abaninzi baya kukubungezela. ₂₀Kodwa amehlo abakohlakeleyo aya kupela; bobujelwa yindawo yokupepela; nokutemba kwabo kwoba njengokuqauka kwompefumlo.