Ivangeli ka‐Johane 7

₁EMVENI kwezizinto ke wabehamba u‐Yesu e‐Galili: ngokuba ebengavumi ukuhamba e‐Judeya, kuba ama‐Juda ebefuna ukumbulala.

₂Kekaloku umtendeleko wama‐Juda, owamapempe, ubukufupi. ₃Bati ngoko kuye abazalwana bake: Puma apa, uye e‐Judeya, ukuze abadisipile bako nabo bakangele imisebenzi uyenzayo. ₄Ngokuba kungeko mntu owenza into ngasese, nxa afuna ukuba yena ngokwake abe nokwazeka. Ukuba ezizinto uyazenza, zibonakalise kwilizwe. ₅Ngokuba nabazalwana bake bebengakolwa kuye.

₆Wandula wati kubo u‐Yesu; Elam ixesha alikafiki; kodwa elenu ixesha lilungile futi. ₇Ilizwe alingetiye nina: kodwa mua liyanditiya, ngokuba ndinqi̔na ngalo, ukuba imisebenzi yalo ikohlakele. ₈Nina nyukelani kuwo umtendeleko lo: mna andikanyukeli kuwo umtendeleko lo; ngokuba elam ixesha alikazalisekile.

₉Kekaloku akuba etshilo oku, wahlala e‐Galili. ₁₀Kodwa xeshekweni bebenyuke abazalwana bake, wandula wenyuka naye waya emtendelekweni, bekungesekuhleni, bekunjengokungati kungasese.

₁₁Abesiti ngoko ama‐Juda amfuna emtendelekweni, ati: Upina yena? ₁₂Kwaye kuko nokudumzela okuninzi ngaye pakati kwezihlwele: babesiti ke inxenye: Ulungile; babesiti nabanye: Hai: koko alahlekisa isihlwele. ₁₃Kodwa noko bekungeko mntu obeteta ngaye ekuhleni, ngenxa yokwoyika ama‐Juda.

₁₄Kekaloku kwakuba kuse kupakati kwomtendeleko, wati u‐Yesu wenyukela etempileni, wafundisa. ₁₅Aza ati nqa ama‐Juda, esiti: Ute nina lo ukwazi ufundo, engafundanga nje?

₁₆Wawapendula u‐Yesu, wati: imfundiso yam asi yeyam, yeyalowo wanditumayo. ₁₇Ukuba umntu uyavuma ukuyenza intando yake, uya kwazi ngayo imfundiso yam, ukuba ivela kutixo, ukuba nditeta ngokwam, kusinina. ₁₈Otetayo ngokwake, uyafuna obake ubungcwalisa; kodwa obufuna ubungcwalisa balowo wamtumayo, yena lo uyinene, kungeko ukungalungi kuye, ₁₉u‐Mosesi akaninikanga umteto na? kanti akuko namnye kuni owenzayo umteto. Yinina ukuba nifuna ukundibulala?

₂₀Sapendula isihlwele sati: Unedemoni; ngubanina ofunayo ukukubulala?

₂₁Wapendula u‐Yesu wati kubo: Ndawenza umsebenzi wamnye, nani niti nqa nonke. ₂₂Ngenxa yoku u‐Mosesi uninikile ulwaluko, kungekukuba luvela ku‐Mosesi, kukuba luvela koyihlo; nani niti ngemini yesabata nimaluse umntu. ₂₃Ukuba ukwaluka umntu uyakwamkela ngemini yesabata, ukuze kungapulwa umteto ka‐Mosesi: nindiqumbele na, ngokuba ndimpilisile umntu umzimba wonke ngemini yesabata? ₂₄Ningagwebi ngokubonakalayo, koko ukugweba okulungileyo kugwebeni.

₂₅Bandula bati inxenye yabase‐Yerusaleme: Asi nguye na lo, abafuna ukumbulala? ₂₆Kanti nanku eteta ngokukalipa, bengati luto kuye noko. Kanene abapati baqinisile ukwazi na ukuba lo unguye u‐Kristu ngenyaniso? ₂₇Koko lo simazi ukuba uvela pina; kodwa u‐Kristu okuya afikayo, akuko mntu owaziyo ukuba uvela pina.

₂₈Wandula wadanduluka u‐Yesu, efundisa etempileni, esiti nokuti: Ewe mna niyandazi, nokuba ndivela pina niyakwazi; kanti andizanga ngokwam, koko owanditumayo uyinyaniso, eniti nina ningamazi. ₂₉Kodwa ndiyamazi mna; ngokuba ndivela kuye, kanjalo yena wandituma.

₃₀Babefuna ngoko ukumbamba: kanti bekungeko mntu owabeka isandla pezu kwake, ngokuba ixeshana lake belingekafikanga. ₃₁Kodwa abaninzi basesihlweleni bakolwa kuye, bati: u‐Kristu okuya afikayo, woka ayenze na imimangaliso emininzi kulé ayenzileyo lo? ₃₂Bati abafarisi beva isihlwele sidumzela ezizinto ngaye: baza abafarisi nabaperisite abakulu batuma amadindili, ukuze ambambe.

₃₃Wandula wati kubo u‐Yesu: Lixesha elincinane endisenani ngalo, ndize ndiye kulowo wanditumayo. ₃₄Niya kundifuna, kanti aniyi kundifumana; nalapo ndikoyo mna, aningeze nina kona.

₃₅Andula ati ama‐Juda pakati kwawo: Lo uza kuya pina, ukuba asiyi kumfumana? uza kuti na aye kwabaci̔takeleyo pakati kwama‐Girike, awafundise ama‐Girike nje? ₃₆Lelanina eli ilizwi walitshoyo ukuti: Niya kundifuna, kanti aniyi kundifumana; nalapo ndikoyo mna, aningeze nina kona?

₃₇Kekaloku ngomhla wokupela, ongomkulu womtendeleko, wema u‐Yesu, wadanduluka esiti: Ukuba uti umntu anxanwe, makeze kum, asele. ₃₈Okolwayo kum, njengokuba sisitsho isiba̔lo, imilambo yamanzi apilileyo iya kwela kwa sembilini wake. ₃₉(Kodwa oku wakutsho ngomoya, abebeza kumamkela abakolwayo kuye: ngokuba umoya oyingcwele ebengekabiko, kuba u‐Yesu ebengekenzelwe ubungcwalisa.)

₄₀Babesiti ngoko abaninzi basesihlweleni, bakuva isiteto eso: Ngenyaniso lo ungumprofite lowo. ₄₁Babesiti abanye: Lo unguye u‐Kristu. Kodwa babesiti abanye: Pofu u‐Kristu uvela e‐Galili na? ₄₂Asitshilo na isiba̔lo ukuti, u‐Kristu uvela kwinzalo ka‐Davide, nase‐Beteleheme, emzini apo u‐Davide ebekona? ₄₃Kwabako ngoko impambano pakati kwesihlwele ngenxa yake. ₄₄Babefuna ke inxenye kubo ukumbamba; koko bekungeko mntu owabeka izandla pezu kwake.

₄₅Andula eza amadindili lawo kubo abaperisite abakulu nabafarisi; abati kuwo bona: Kunganina ukuba animzisanga? ₄₆Ati amadindili ukupendula: Akuzanga kutete njalo umntu, njengokuba etete lomntu. ₄₇Bandula bati abafarisi ukuwapendula: Nikohlisiwe nani na? ₄₈kuko na owakubapati okoliweyo kuye, umhlaumbi owakubafarisi? ₄₉koko isihlwele esi, esingawaziyo umteto, siqalekisiwe.

₅₀Wati u‐Nikodemo kubo: (lowo wezayo ngobusuku kuye, engomnye wakubo:) ₅₁Umteto wetu uyagweba umntu na, ukuba awuti tanci uve kuye, uqonde into ayenzayo? ₅₂Bapendula bati kuye: Ungowase‐Galili nawe na? pengulula, ubone ukuba akuvukanga mprofite e‐Galili.

₅₃Baza bati bonke ngabanye baya ezindlwini zabo.