Ivangeli ka‐Johane 11

₁KEKALOKU bekuko umntu otile obesifa, u‐Lazarusi, owase‐Betaniya, owakuwo umzi ka‐Mariya no‐Marita udade wake. ₂Wayengulowa‐Mariya owayitambisayo inkosi ngamafuta mnandi, wazisula inyawo zayo ngenwele zake, omninawe u‐Lazarusi ubesifa. ₃Batuma ngoko odade bake kuyo, besiti: Nkosi! kangela, lowo umtandayo uyafa.

₄Kodwa u‐Yesu akuva oko wati: Esisifo asisesokuba kube kukufa, singenxa yobungcwalisa bukatixo, ukuze unyana katixo enzelwe ubungcwalisa ngaso.

₅Kekaloku u‐Yesu watanda u‐Marita, nodade wake, no‐Lazarusi. ₆Xeshekweni ngoko weva ukuba uyafa, oko ke wahlala kulondawo ubekuyo intsuku zambini. ₇Wandula emveni kwoku wati kubadi̔sipile bake: Masihambe siye e‐Judeya kanjako. ₈Bati kuye abadisipile: Rabi! esand’ ukufuna ama‐Juda ukukugibisela ngamatye nje, ubuye uye kona na? ₉Wati u‐Yesu ukupendula: Akuko iyure ezilishumi linambini emini nye na? Xeshekweni umntu ahamba emini, akaku̔beki, kuba ukukanya kwelizwe eli ekubona: ₁₀kodwa xeshekweni umntu ahamba ebusuku, uyaku̔beka, kuba ukukanya kungeko kuye.

₁₁Watsho ke; waza emveni kwoku wati kubo: Umhlobo wetu u‐Lazarusi ulele; koko ndiya ukuze ndimvuse. ₁₂Bandula bati abadisipile bake: Nkosi! ukuba ulele, uya kupila. ₁₃Kodwa u‐Yesu ebetetile ngako ukufa kwake; kanti bona baba uyateta ngako ukulala kwobutongo. ₁₄Wandula u‐Yesu ngoko wati kubo ekuhleni: u‐Lazarusi ufile; ₁₅kanjalo ndiyavuya ngenxa yenu ukuba ndibe ndingeko kona, ukuze nikolwe; noko masihambe siye kuye.

₁₆Wandula u‐Tomasi, o‐kutiwa ngu‐Didimusi, wati kubo abebengabadisipile naye: Masihambe siye nati, ukuze sife kwa naye.

₁₇Wati ngoko u‐Yesu akufika, wafumana ukuba ebesel’ eko encw̔abeni intsuku zane.

₁₈Kekaloku i‐Betaniya ibikufupi ne‐Yerusaleme, ingaba zizitadiya ezilishumi linazihlanu ukuba kude kwayo. ₁₉Baye abaninzi bakuma‐Juda bebefikile ku‐Marita no‐Mariya, ukuze babaku̔ze ngaye umninawe wabo. ₂₀Wandula u‐Marita, akuva ukuba u‐Yesu uyeza, waya wamhlangabeza: kodwa u‐Mariya ebehleli endlwini.

₂₁Wandula wati u‐Marita ku‐Yesu: Nkosi! ukuba ubulapa, umninawe wam ngeengafanga. ₂₂Noko kwa kaloku ndiyazi ukuba oko usukuba ucela kona kutixo, utixo wokunika kuwe. ₂₃Wati u‐Yesu kuye: Umninawe wako wobuya avuke. ₂₄Wati u‐Marita kuye: Ndiyazi ukuba wobuya avuke eluvukweni ngomhla wokupela. ₂₅Watsho u‐Yesu kuye ukuti: Mna ndilulo uvuko, ndibubo nobomi: okolwayo kum, nakuba afayo, uya kudla ubomi; ₂₆nosukuba esidla ubomi ekolwa kum, akasayi kufa napakade. Uyakolwa kuko oku na? ₂₇Wati kuye: Ewe, Nkosi! ndikoliwe ukuba wena unguye u‐Kristu, unyana katixo, ozayo elizweni.

₂₈Waza akuba ebetshilo wemka, waya wabiza u‐Mariya udade wake ngasese, esiti: Umfundisi ufikile, uyakubiza wena. ₂₉Wati yena akuva, wesuka msinya, waya kuye. ₃₀(Kekaloku u‐Yesu ebengekangenanga emzini, koko ebekulondawo apo u‐Marita wamhlangabeza kona.) ₃₁Andula ati ama‐Juda abenaye endlwini, abemku̔za ke, akubona u‐Mariya ukuba wesuka ngobunxamo wapuma, amlandela, esiti: Uya encw̔abeni, ukuze alile kona.

₃₂Wandula u‐Mariya, akufika apo u‐Yesu ebekona, wambona, wawa pantsi ngasezinyaweni zake, esiti kuye: Nkosi! ukuba ubulapa, ngeengafanga umninawe wam. ₃₃Wandula u‐Yesu, akumbona yena elila, nama‐Juda abezile naye elila, wavuswa kakulu emoyeni, wazikataza, ₃₄wati: Nimbekile pina? Bati kuye: Nkosi! yiza ubone. ₃₅Walila inyembezi u‐Yesu. ₃₆Abesiti ngoko ama‐Juda: Kangela, bekukukulu kangakanana ukumtanda kwake! ₃₇Kodwa inxenye kuwo ati: Lo ke owavula amehlo oyimfama, ange engenzanga na nokuba lo angafi?

₃₈Wandula u‐Yesu, evuswa kakulu kanjako pakati kwake, weza encw̔abeni. Belingumqolomba ke; kanjalo ilitye belilele ngakuwo. ₃₉Wati u‐Yesu: Susani ilitye: Wati kuye u‐Marita, udade wofileyo: Nkosi! usel’ enuka; ngokuba kuntsuku zine efile. ₄₀Wati u‐Yesu kuye: Andatsho kuwe na ukuti: Xeshekweni ukolwayo, uya kubona ubungcwalisa bukatixo? ₄₁Bandula basusa ilitye, apo ofileyo ebelele kona.

Waza u‐Yesu wapakamisa amehlo ngapezulu, wati: Bawo! ndiyakubulela ukuba undivile. ₄₂Kodwa bendisazi ukuba uyandiva ngamaxesha onke: koko ngenxa yesihlwele esimiyo apa nditshilo, ukuze bakolwe ukuba unditumile wena. ₄₃Waza akuba ebetshilo wadanduluka ngelizwi elikulu, esiti: Lazarusi, puma! ₄₄Waza wapuma ofileyo, ebotshiwe izandla nenyawo ngezibopo zokuncw̔aba: kanjalo ubuso bake bebubotshelwe ngeqiya. Wati u‐Yesu kubo: Mkululeni, nimyeke ahambe.

₄₅Bati ngoko abaninzi bakuma‐Juda ababefikile ku‐Mariya, nezinto ezenzwayo ngu‐Yesu bazibona, bakolwa kuye. ₄₆Kodwa inxenye kuwo emka aya kubo abafarisi, abaxelela izinto abezenzile u‐Yesu.

₄₇Bandula abaperisite abakulu nabafarisi bahlanganisa intlanganiso yamapakati, bati: Siyenza nto nina? ngokuba lomntu esenza imimangaliso emininzi. ₄₈Nxa senje nje ukumyeka, bonke baya kukolwa kuye; aeya kuti ama‐Roma eze asihlute kwa nendawo nohlanga. ₄₉Waza omnye wakubo, u‐Kayafasi, engumperisite omkulu ngomnyaka lowo, wati kubo: Nina anazi luto, ₅₀anikumbuleli kanjalo ukuba kulungele tina, ukuba umntu emnye afe ngenxa yabantu, luze lwonke uhlanga lungabubi. ₅₁Oku ke akakuteta ngokwake; koko, engumperisite omkulu ngomnyaka lowo, waprofitesha ukuba u‐Yesu ebeza kufa ngenxa yohlanga olo; ₅₂bekungengenxa yohlanga olo lodwa, bekukukuba ahlanganisele kunye nosapo lukatixo oluci̔takeleyo.

₅₃Bandula bati emveni kwemini leyo bacebisana ukuba bambulale. ₅₄Ngako u‐Yesu wabengasahambi ekuhleni pakati kwama‐Juda, koko wemka apo waya elizweni elikufupi nentlango, esixekweni esi‐kutiwa yi‐Hefrayime, wahlala kona nabadisipile bake.

₅₅KEKALOKU ipasika yama‐Juda ibikufupi: baza benyuka abaninzi ezweni apo baya e‐Yerusaleme ingekabiko ipasika, ukuze bazicokise. ₅₆Bandula bamfuna u‐Yesu, bati omnye nomnye bemi etempileni: Niti nina ke? angezi emtendelekweni na? ₅₇Kanjalo nabaperisite abakulu nabafarisi bebenikile umyalelo, wokuba, xeshekweni umntu aziyo apo akona, makaxele, ukuze bambambe.