1KUTIWA: Ukuba indoda iyandulula umfazi wayo, aze emke kuyo, abe ngowenye indoda, iya kubuyela kuye kanjako na? libe lingayi kudyojwa kakulu na elozwe? kodwa wena uwenzile umbulo nabatandwa abaninzi; buyela kum noke, utsho uyehova. 2Pakamisa amehlo ako ngakuzo indawo ezipezulu, ukangele apo kungalalwanga na nawe kona: ezindleleni ubahlalele, njengom‐Arabi entlango; waudyobile ilizwe ngemibulo yako nangenkohlakalo yako. 3Ngako izipango zibanjiwe, kungabangako namvula yasemva; wabunebunzi lengnawokazi, wala ukuba nentloni. 4Akuyi kubiza kwa ngoku na kum ukuti: Bawo wam! ubungumhlobo wobutsha bam wena? 5Uya kubamba ingqumbo yake kude kube ngunapakade na? woyigcina ngamaxesha onke na? Bona ke, utetile, wazenza izinto ezikohlakeleyo njengokuba ubunako ukwenje njalo.
6WAYESITI uyehova kum emihleni ka‐Josiya ukumkani: Ubonile na oko akwenzileyo u‐Sirayeli opambukileyo? Wahamba pezu kwazo zonke intaba ezinde, napantsi kwayo yonke imiti eluhlaza, wawenza umbulo kona. 7Ndati emveni kwokwenza kwake zonke ezizinto: Buyela kum; kanti akabuyanga; wabona oku udade wake ohanahanisayo, u‐Juda. 8Ndaye ndibona, xeshekweni bendimndulule u‐Sirayeli opambukileyo ngenxa yako konke abeṙexezile ngako, ndamnika incwadi yokulahlwa kwake, ukuba ebengoyiki u‐Juda ohanahanisayo, udade wake, kodwa waya wawenza umbulo kwa yena. 9Kwaza kwati, ngokuhlazeka kwombulo wake, walidyoba ilizwe, waṙexeza namatye nemiti. 10Kanti nangenxa yoku konke, udade wake ohanahanisayo u‐Juda akabuyelanga kum ngayo yonke intliziyo yake, kodwa ngabo ubuxoki, utsho uyehova.
11Wayesiti uyehova kum: u‐Sirayeli opambukileyo uzenze olungileyo pezu kwo‐Juda ohanahanisayo. 12Hamba, ushumayele lamazwi ngasenode, uti:
Buya, Sirayeli opambukileyo! utsho uyehova; andiyi kubuti shwa ubuso bam pezu kwenu; ngokuba ndinobubele mna, utsho uyehova, andiyi kubamba ingqumbo kude kube ngunapakade. 13Yivume kodwa inkohlakalo yako, okokuba ugqitile ngakuye uyehova, utixo wako, nokuba ucitile indlela zako pakati kwabasemzini, ngapantsi kwayo yonke imiti eluhlaza; nelizwi lam anilipulapulanga, utsho uyehova. 14Buyani, lusapo olupambukileyo! utsho uyehova, ngokuba nditshatile nani; ndandiya kunitabata, emnye kwisixeko, nababini kwisizalwane, ndinizise e‐Ziyone; 15ndandiya kunipa abalusi njengentliziyo yam, abaya kuninqaka ngokwazi nangokuqonda. 16Kwakuya kuti, xeshekweni niya kwanda nicu̔me elizweni, ngemihla leyo, utsho uyehova, akusayi kubuya kutiwe: Ityeya yocebano lukayehova; ayisayi kungena nasentliziyweni; ayisayi kukunjulwa kanjalo; ayisayi kufunwa nokufunwa; ayisayi kubuya yenziwe kanjako. 17Ngexesha elo i‐Yerusaleme iya kubizwa ngokuti yiterone kayehova; izizwe zonke zohlanganiselwa kuyo, egameni likayehova, e‐Yerusaleme: zaye zingayi kubuya zihambe ngobulukuni bentliziyo yazo ekohlakeleyo. 18Ngemihla leyo indlu ka‐Juda iya kuhamba nendlu ka‐Sirayeli; baya kuvela kwa kunye kulo ilizwe lasenode, ukuza elizweni endandilinika koyihlo benu libe lilifa. 19Koko bendisiti: Ndingati nina ukukubeka pakati kwosapo, nokukunika ilizwe elinqwenelekileyo, ilifa elibubuhle bobuhle bezizwe? Ndaza ndati: Uya kundibiza ngokuti: Bawo! waungayi kubuya kum. 20Noko, njengokuba umfazi eshiya indoda yake ngenkohliso, kwa njalo nina nenze ngenkohliso ngakum, ndlu ka‐Sirayeli! utsho uyehova.
21Ilizwi lavakala pezu kwendawo ezipezulu, ukulila nezitaṙuziso zosapo luka‐Sirayeli, ngokokuba lutyekisile indlela yalo, nokuba lumlibele uyehova, utixo walo. 22Buyani, lusapo olupambukileyo! ndiya kupilisa impambuko zenu. Nanku sisiza kuwe, ngokuba wena, Yehova! ungutixo wetu. 23Ngenyaniso kufumana kufunwa ezindulini nasesininzini sentaba; ngenyaniso kukuye uyehova, utixo wetu, ukusindiswa kwo‐Sirayeli. 24Ngokuba okuyindaniso kudlile inzuzo yobawo betu kwa sebutsheni betu; igusha zabo nenkomo zabo, onyana babo nentombi zabo. 25Siyalala pantsi ekudaneni kwetu, nehlazo letu liyasigubungela; ngokuba sonile ngakuye uyehova, utixo wetu, tina nobawo betu, kwa sebutsheni betu kwada kwanamhla nje, singapulapulanga ilizwi likayehova, utixo wetu.
