Abagwebi 10

₁KWAZA kwavuka emva kwo‐Abimeleki, ukusindisa o‐Sirayeli, u‐Tola unyana ka‐Puwa, unyana ka‐Dodo, indoda yakwa‐Yisakare; waye yena ehleli e‐Shamire, entabeni yakwa‐Frayime. ₂Wagweba o‐Sirayeli iminyaka yamashumi mabini anamitatu; wada wafa, wancw̔atywa e‐Shamire.

₃Kwavuka emva kwake u‐Yahire, um‐Gileyadi, owagweba o‐Sirayeli iminyaka yamashumi mabini anamibini. ₄Wabenonyana abamashumi matatu, abakwela pezu kwamatole amaqwaṙashe amashumi matatu, ababenezixeko ezimashumi matatu, ezibiziweyo ngokuti yi‐Havote‐yahire kwada kwanamhla nje, ezisezweni le‐Gileyadi. ₅Wada wafa u‐Yahire, wancw̔atywa e‐Kamone.

₆Kekaloku usapo luka‐Sirayeli lwabuya lwenza okukohlakeleyo emehlweni kayehova, lwakonza o‐Bali, no‐Hashetorete, notixo base‐Siriya, notixo base‐Tsidone, notixo base‐Mowabi, notixo bosapo luka‐Hamoni, notixo bama‐Filistiya, bamshiya uyehova, bengamkonzi. ₇Yaza yavuta ingqumbo kayehova ngakubo o‐Sirayeli, wabatengisa esandleni sama‐Filistiya, nasesandleni sosapo luka‐Hamoni. ₈Balwapula baluncinezela usapo luka‐Sirayeli ngalomnyaka: iminyaka ilishumi elinesibozo beluncinezelwa lwonke usapo luka‐Sirayeli olupesheya kwe‐Yoredane elizweni laba‐Amori, elise‐Gileyadi. ₉Kanjako usapo luka‐Hamoni lwawela i‐Yoredane ukuya kulwa kwa ngakubo o‐Juda, nangakubo o‐Benjamine, nangakuyo indlu ka‐Frayime; baza o‐Sirayeli baxinezeka kakulu.

₁₀Lwada usapo luka‐Sirayeli lwakala kuyehova, lusiti: Sonile kuwe, nangokokuba simshiyile utixo wetu, nokuba sibakonzile o‐Bali. ₁₁Waza uyehova wati kulo usapo luka‐Sirayeli: Andinisindisanga na kuwo ama‐Jipete, nakubo aba‐Amori, nakulo usapo luka‐Hamoni, nakuwo ama‐Filistiya? ₁₂Kanjalo ama‐Tsidone, nama‐Amaleki, nama‐Mahone, ebenibandezela; ndaza ndati, nakukala kum, ndanisindisa esandleni sawo. ₁₃Nindishiyile noko, nabakonza otixo bambi; ngako andiyi kupinda ukunisindisa. ₁₄Hambani nikale kubo otixo enibanyulileyo; mabanincede bona ngexesha loxinezeko lwenu. ₁₅Koko usapo luka‐Sirayeli lwati kuyehova: Sonile; yenza wena kuti njengako konke okulungileyo emehlweni ako; kodwa sisindise ke namhla nje. ₁₆Lwaza lwakwelelisa otixo basemzini kwa pakati kwalo, lwamkonza uyehova: wada umpefumlo wake wadana pezu kwosizi lwo‐Sirayeli.

₁₇Lwandula usapo luka‐Hamoni lwabizelwa ndawonye, lwaya lwati waca e‐Gileyadi. Kanjako usapo luka‐Sirayeli lwahlanganiswa, lwaya lwati waca e‐Mitsipa. ₁₈Baza abantu, inkosi zase‐Gileyadi, bati omnye kwomnye: Ngubanina leyondoda eya kuqala ukulwa ngakulo usapo luka‐Hamoni? yona yoba yintloko pezu kwabo bonke abemi base‐Gileyadi.