Incwadi ka‐Yakobi 3

₁NINGABI ngabafundisi abaninzi, bazalwana bam! nisazi ukuba siya kuzuza ukugwetywa okukulu ngakumbi ke. ₂Ngokuba siposisa kwa sonke ngendawo ezininzi. Ukuba kuko ongaposisiyo emazwini, yena lo ungumntu ofezekileyo, enamandla ukukalimela kwa wonke umzimba. ₃Bona ke, imikala yamahashe siyayifaka emilonyeni yawo ukuba asive, siti wonke umzimba wawo siwusonge. ₄Bona ke, nenqanawa, nangona zinkulu kangaka, ziqu̔tywa nokuqu̔tywa ngumoya onamandla, ziyasongwa ngumti wokukapa omncinane kakulu noko, apo kusukuba unxamelo lwomkokeli lunga zingaya kona. ₅Kwa njalo nolwimi lulilungwana oluncinane, kanti luyateta izinto ezinkulu. Bona ke, umlilo omncinane ulipemba igoqo elikulu kangakanana lenkuni! ₆Nalo lona ulwimi lungumlilo, lulilizwe lenkohlakalo: luhlala njalo ke ulwimi pakati kwamalungu etu, oludyobayo umzimba wonke, lutshisa injikelezo yemvelo, lutshiswa lona sisihogo somlilo. ₇Ngokuba zonke intlobo zezilo, nezentaka, nezezinto ezinambuzelayo, nezezinto eziselwandle, ziyoyiswa, ewe zoyisiwe luluntu: ₈kodwa lona ulwimi akuko namnye umntu ongalwoyisayo; lusisikohlakalo esingenakuqojoshwa, luzele bubuhlungu obufisayo. ₉Ngalo lona siyambonga yena utixo noyise, nangalo lona siyaqalekisa abantu abenziweyo ngokufana notixo. ₁₀Kwa kuwo umlomo mnye kupuma ukubonga nokuqalekisa. Ezizinto, bazalwana bam! ngazingabi njalo. ₁₁Umtombo uyampompoza na kwa kulo ituba linye amanzi amnandi naṙaṙa? ₁₂Umkiwane, bazalwana bam! ungavelisa amanquma na, umhlaumbi umti weveyine amakiwane na? Kwa njalo ke akuko mtombo ongavelisayo amanzi atyuwa namnandi.

₁₃Ngubanina olumkileyo onokwazi pakati kwenu? makayibonakalise ngokumila okulungileyo imisebenzi yake ekululameni kwobulumko. ₁₄Kodwa ukuba ninozondo oluṙaṙa nenkani entliziyweni yenu, ize ningaqa̔yisi ningaxoki ngakuyo inyaniso. ₁₅Obu abububo ubulumko obuhlayo buvela pezulu, bubobasemhlabeni, bobobuntu, bobobudemoni. ₁₆Ngokuba apo kukoyo uzondo nenkani, kuko kwa kona impitimpiti nazo zonke izenzo ezibi. ₁₇Kodwa ubulumko obuvela pezulu buti ke ukuqala bucocekile, band’ ukuba luxolo, butambile, bucengeka kakuhle, buzele bububele nezixakato ezilungileyo, bungenakwahlula, bungenakuhanahanisa. ₁₈Kekaloku isixakato sobulungisa siyahlwayelwa eluxolweni ngabo abalwenzayo uxolo.