U‐Yisaya 61

₁UMOYA wenkosi uyehova upezu kwam; ngokokuba uyehova enditambisele ukushumayela indaba ezimnandi kwabatotyiweyo; unditumele ukubopa abantliziyo zigqobokileyo, ukuxela kwabatinjiweyo inkululeko, nakwababanjiweyo ukuvulwa kwentolongo; ₂ukuxela umnyaka okolekileyo kayehova, nomhla wempindezelo katixo wetu; ukututuzela bonke abalilayo; ₃ukumisela abo balilayo e‐Ziyone umgcobo; ukubanika ubuhle endaweni yotutu, ioli yovuyo endaweni yolilo, isambato sodumo endaweni yomoya wokuncama; ukuba babizwe ngokuba yimiti yobulungisa, isityalo sikayehova; ukuze enzelwe ubungcwalisa.

₄Babeya kwaka indawo ezicitakeleyo zakudala, babuye bamise indawo ezitshabaleleyo zapambili; bohlaziya izixeko ezicitiweyo, indawo ezitshabaleleyo zezizukulwana ngezizukulwana. ₅Abasemzini baya kuma bayaluse imihlambi yenu, nabolunye uhlanga boba ngabalimi bomhlaba wenu nabalimi bemiti yeveyine yenu. ₆Kodwa nina, niya kubizwa ngokuba ngabaperisite bakayehova; kwotiwa ningabakonzi botixo wetu; ubutyebi babaheyideni niya kubudla, nasebungcwaliseni babo niya kuqa̔yisa.

₇Endaweni yokudana kwenu kwoba kukuduma okupindiweyo; nasendaweni yehlazo, baya kugcoba ngesabelwa sabo; ngokuba elizweni labo beya kuzuza ilifa elipindiweyo, uvuyo olungunapakade lwobako kubo. ₈Ngokuba mna Yehova ndibutanda ubugwebo, ndiyitiya impango yobumenemene; ndandiya kunika umvuzo wabo ngenyaniso, nocebano olungunapakade ndolwenza nabo. ₉Yaiya kwaziwa inzalo yabo pakati kwabaheyideni, nabantwana babo pakati kwezizwe: bonke abababonayo bobavuma ukuba bayinzalo etanyusanqelweyo nguyehova.

₁₀Ndiya kugcoba kakulu kuyehova; umpefumlo wam wovuyelela kutixo wam; ngokuba endambatisile ngezivato zosindiso; ingubo yobulungisa undinamekisile ngayo; njengokuba umyeni ezivatisa ngezivato ezihle, nanjengokuba umtshakazi ezihomba ngezihombo zake. ₁₁Ngokuba, njengokuba umhlaba uvelisa ukucu̔ma kwawo, nanjengokuba umyezo uhlumisa okuhlwayelweyo kuwo, kwa njalo inkosi e nguyehova iya kuhlumisa ubulungisa nendumiso pambi kwezizwe zonke.