U‐Yisaya 39

₁NGELOXESHA watuma u‐Merodaki‐baladane, unyana ka‐Baladane, ukumkani we‐Babilone, incwadi nebaso ku‐Hezekiya; ngokuba ebevile ukuba ubesifa, nokuba ubuye wacaca. ₂Waye u‐Hezekiya evuya ngabo, wababonisa indlu yake yokubekela, isilivere, negolide, nezimnandi, neoli enqabileyo, nayo yonke indlu yezixo̔bo zake, nako konke okube kufunyanwa pakati kwendyebo zake: akwabiko nto endlwini yake, nakubo bonke ubukosi bake, abebengaboniswa yona ngu‐Hezekiya.

₃Wandula weza u‐Yisaya umprofite kukumkani u‐Hezekiya, wati kuye: Ate nina lamadoda? avela pina ukuza kuwe? Wati u‐Hezekiya: Avela elizweni elikude ukuza kum, e‐Babilone. ₄Waza wati: Yinto nina ayibonileyo endlwini yako? Wayesiti u‐Hezekiya: Konke okusendlwini yam akubonile; akuko nto pakati kwendyebo zam endingawabonisanga yona. ₅Wandula wati u‐Yisaya ku‐Hezekiya: Yiva ilizwi likayehova wemikosi. ₆Bona ke, imihla iyeza, kwakuba konke okusendlwini yako, noko bakubekeleyo oyihlo bako kwada kwanamhla, kuya kusiwa e‐Babilone; akuyi kusala nento, utsho uyehova. ₇Nakubo onyana bako abaya kupuma kuwe, abo uya kubazala, baya kususa inxenye; babeya kuba ngababusi eluxandeni lwokumkani we‐Babilone. ₈Waza wati u‐Hezekiya ku‐Yisaya: Lilungile ilizwi likayehova, elo ulitetileyo. Wati kanjako: Ngokuba kuya kubako uxolo nenyaniso emihleni yam.