U‐Yisaya 23

₁UMGWEBO nge‐Tire.

Lilani, zinqanawa zase‐Tareshishe! ngokuba icitakalisiwe, kungabiko indlu, kungabiko ukungena kuyo: kuvela elizweni lama‐Kiti kutyiliwe kubo oku. ₂Yitini cwaka, nina bemi besiqiti! wena abatengi base‐Tsidone, abawela ulwandle, bakuzalisayo. ₃Napezu kwamanzi amakulu ukuvelisa kwe‐Shihore, ukuvunwa kwomlambo, bekuyinzuzo yaso: sasiyindawo yokutenga yezizwe. ₄Yiba udanile, Tsidone! ngokuba ulwandle lutetile, inqaba yaselwandle, isiti: Bendingenanimba; andizalanga kanjalo; amadodana andi wondlile; intombi andizikulisile. ₅Njengokuba bekunjalo ngendaba ze‐Jipete, baya kututumba nangendaba ze‐Tire. ₆Welani niye e‐Tareshishe; lilani, nina bemi besiqiti! ₇Siso esi na isixeko senu semigcobo, esibudala bubobemihla yakudala? ezaso inyawo ziya kusitwala ukuya kupambukela kwa kude. ₈Ngubanina okucebileyo oku ngakuyo i‐Tire, ezabayo ikrone, ebatengi bazinkosana, ebatengisi bangabadumileyo bomhlaba? ₉Nguyehova wemikosi okucebileyo, ukuba anco̔lise ir̔atshi lenkazimlo yonke, nokuba adelekise bonke abadumileyo bomhlaba. ₁₀Canda elizweni lako njengomlambo, ntombi yase‐Tareshishe! umbambo awuseko. ₁₁Isandla sake usolulile pezu kwolwandle, izikumkani uzingcangcazelisile; uyehova uyalele ngayo i‐Kanane, ukuba kutshatyalaliswe indawo zayo ezinqabileyo. ₁₂Ute: Akusayi kubuya ugcobe, ntombi ipela ebandezelweyo, ntombi yase‐Tsidone! Suka, wela uye kwa‐Kiti; kwa nakona akuyi kuba nakupumla. ₁₃Bona ke ilizwe lama‐Kaledine! ababantu bebengeko; um‐Asiriya ulimisele abemiyo entlango; bamisile inqaba zabo zokulinda; bacitile izindlukazi zayo; bayenzile ingcitakalo. ₁₄Lilani, zinqanawa zase‐Tareshishe! ngokuba icitakalisiwe indawo yenu enqabileyo.

₁₅Kwakuya kuti ngomhla lowo, i‐Tire yolityalwa iminyaka emashumi asixe̔nxe, njengemihla yomnye ukumkani: ekupeleni kweminyaka imashumi asixe̔nxe kwoba kuyo i‐Tire njengengoma kwingnawokazi: ₁₆Tabata uhadi; jikajikela isixeko, wena ngnawokazi elityelweyo! lungisa ukubeta intambo, vuma ingoma ezininzi, ukuze ukunjulwe. ₁₇Ngokuba kuya kuti ekupeleni kweminyaka imashumi asixe̔nxe, uyehova woza kubona i‐Tire, eya kubuyela emvuzweni wayo, yenze nombulo nabo bonke ubukumkani belizwe obusebusweni bomhlaba. ₁₈Kodwa okwentengo yayo nomvuzo wayo kwoba ngcwele kuyehova; akuyi kubekelwa, akuyi kutshixelwa kanjalo; koko intengo yayo yoba yeyabo bahleliyo pambi kwoyehova, eyokutya ngokukolisa, neyezivato ezihle.