U‐Yisaya 21

₁UMGWEBO ngentlango yaselwandle.

Njengokuti tshe kwezaqwiti esuyide, kunjalo ukuvela kwabo entlango, ezweni eloyikekileyo. ₂Umboniso onzima waxelwa kum: umtimbi etimba, nomcitakalisi ecitakalisa. Nyuka, Helami! vingcela, Medi! konke ukugula ngayo ndikupelisile. ₃Ngako oko isinqe sam sizele yintlungu: inimba zindibambile, njengenimba zomfazi ozalayo: ndigotyiwe, ndide ndingeva: nditusiwe, ndide ndingaboni. ₄Intliziyo yam iyayoba, ingcangcazelo indoyikisile; ubusuku besilangazelelo sam bundenzelwe obesituso.

₅Kulungiswa isitebe, kulindwa ngabalindi, kutyiwa, kuselwa: sukani, zinkosana! tambisani ikaka. ₆Ngokuba inkosi itshilo kum ukuti: Hamba, misa umlindi; into ayibonayo makayixele. ₇Waza wabona abakweli, namahashe ngamabini, abakweli bamaqwaṙashe, nabakweli benkamela; wapulapula kunene ngokupulapula okukulu. ₈Wayedanduluka njengengonyama, esiti: Ndema pezu kwendlu yokulinda, nkosi yam! futi emini; napezu kwendawo yam yokuvaṙasha ndandimiswa bonke ubusuku. ₉Kekaloku bona ke, naba besiza abakwell bengamadoda, namahashe ngamabini. Wahambisa wati: i‐Babilone iwile, iwile! nayo yonke imifanekiso eqingqiweyo yotixo bayo uyiqekezele emhlabeni.

₁₀Hai ukubula kwam, nenkozo zesibaya sam! oko ndikuvileyo kuyehova wemikosi, utixo wo‐Sirayeli, ndikushumayele kuni.

₁₁UMGWEBO nge‐Duma.

Kwabizwa kum ngelizwi livela e‐Sehire, lisiti: Mlindi! uti nina ngobusuku? Mlindi! uti nina ngobusuku? ₁₂Wati umlindi: Ukusa kuyeza, kwa nobusuku kanjalo; ukuba niya kubuza, buzani; guqukani, yizani.

₁₃UMGWEBO pezu kwe‐Arabi.

Ehlatini lase‐Arabi niya kulalisa, nina bahambi bama‐Dedane! ₁₄yizani namanzi konxaniweyo: nina bemi belizwe lakwa‐Tema! mpangeleni ngesonka sake osabileyo. ₁₅Ngokuba besabile pambi kweziṙele, pambi kwesiṙele esir̔oliweyo, napambi kwesipeta esityediweyo, napambi kwobunzima bemfazwe. ₁₆Ngokuba inkosi itshilo kum ukuti: Kwa ungekapeli umnyaka, njengeminyaka yomqashwa, bonke ubungcwalisa bakwa‐Kedare bogqityelwa. ₁₇Nesisalela senani labapete isipeta, amagoṙa onyana baka‐Kedare aya kuncitshiswa; ngokuba uyehova, utixo wo‐Sirayeli, etshilo.