U‐Yisaya 17

₁UMGWEBO nge‐Damakusi.

Bona ke, i‐Damakusi iya kususwa ingabi sesisixeko; yoba yimfumba yengcitakalo. ₂Izixeko zase‐Harohere ziya kushiywa; zoba zezemihlambi, eya kulala pantsi, kungeko oya kuyitusa. ₃Kanjalo inqaba iya kupela kwa‐Frayime, nobukumkani kwi‐Damakusi nesisalela sama‐Siriya; boba njengababungcwalisa bosapo luka‐Sirayeli, utsho uyehova wemikosi. ₄Kwakuya kuti ngomhla lowo, ubungcwalisa buka‐Yakobi buya kutotyelwa pantsi, nokutyeba kwenyama yake kuya kunqina. ₅Kwoba njengokuya umvuni abuta inqolowa emiyo, azivune izikwebu ngengalo yake; kwoba njengokucolwa kwezikwebu emhlanjeni wama‐Rafa. ₆Ngokuba izibikico ziya kusala kona, njengasekuvutululweni kwomnquma; ibe mibini umhlaumbi mitatu imifuno encameni yomti omde; ibe mine umhlaumbi mihlanu emasebeni omti oqa̔mileyo; utsho uyehova, utixo wo‐Sirayeli.

₇Ngomhla lowo umntu wobeka kumenzi wake, namehlo ake okangela koyingcwele ka‐Sirayeli. ₈Akayi kubeka kuzo izibingelo, umsebenzi wezandla zake, noko ikwenzileyo iminwe yake akayi kukukangela, kwa imifanekiso ka‐Ashera, nezifanekiselo zelanga. ₉Ngomhla lowo izixeko zake ezinqatyisiweyo zoba njengokushiyiweyo kwamahlati nemiti emide, ebishiyiwe kwa pambi kwosapo luka‐Sirayeli: zoba ngamanxuwa ke. ₁₀Ngokuba umlibele utixo wosindiswa lwako, nelityekazi lamandla ako ungalikumbulanga, kukona ungatyalayo izityalo ezimnandi, namahlumelo asemzini ungawabeka: ₁₁emini yokutyala kwako, ungabiya; nakusasa, oko ukubekileyo ungakuhlumisa; kodwa isivuno siya kubaleka, emhleni wobuhlungu nosizi olunzima.

₁₂HOI! imbutumbutu yezizwe ezininzi, eziyenza impitimpiti njengempitimpiti yelwandle; nokugquma kwentlanga, ezigqumayo njengokugquma kwamanzi amakulu. ₁₃Intlanga, njengokugquma kwamanzi amaninzi zingagquma; koko aya kuzitetisa, zide zisabele kude; zogxotwa njengomququ wentaba pambi kwomoya, nanjengentenda pambi kwesaqwiti. ₁₄Ngexesha lokuhlwa, nasi ke isoyikiso! kungekasi, aziseko! Esi sisabelwa sabo basipangayo, nesahlulelwa sabo batimba kuti.