U‐Hosheha 14

₁BUYELA, Sirayeli! kuyehova, utixo wako; ngokuba uwile ngenkohlakalo yako. ₂Tabata nawe amazwi, uze ubuyele kuyehova; yitini kuye: Susa inkohlakalo yonke, usamkelise okulungileyo; sasiya kuhlaula ngamatole emilomo yetu. ₃I‐Asiriya ayiyi kusisindisa; asiyi kukwela emahasheni; kanjalo asiyi kubuya siti emsebenzini wezandla zetu: Ningotixo betu: ngokuba kuwe inkedama ifumana ububele.

₄Ndopilisa upambuko lwabo; ndobatanda ngokuvuma; ngokuba ingqumbo yam ibuyile kuye. ₅Ndoba njengombete ku‐Sirayeli: uya kutyatyamba njengenyibiba, azendelise ingcambo zake njenge‐Lebanone. ₆Amahlumelo ake otwabululeka, ubuhle bake boba njengomnquma, woba nevumba njenge‐Lebanone. ₇Baya kubuya abo bahleliyo emtunzini wake; bohluma njengenqolowa, batyatyambe njengomti weveyine: isikumbuzo sake soba njengeveyine yase‐Lebanone. ₈Woti u‐Frayime: Ziseyinto nina kum izitixo? ndivile mna, ndandiya kumgqala: ndinjengomti weberoshe oluhlaza: siyazuzwa kum isiqa̔mo sako.

₉Ngubanina onobulumko, ukuba aziqonde ezizinto? ngubanina onobutelekelelo, ukuba azazi? ngokuba indlela zikayehova zifanele; abalungileyo bohamba kuzo, kodwa abagqiti baya kuku̔beka kuzo.