Incwadi ka‐Paulusi kuma‐Hebere 4

₁Masoyike ngoko hleze kekuti, idinga lokungena ekupumleni kwake lisishiyelwa nje, kubeko umntu wakuni onga akafikeleli kuko. ₂Ngokuba nati sishunyayeziwe indaba ezilungileyo ngako, kwa njengabo; koko ilizwi lokushunyayelwa kwako belingabancedanga bona, lingamanyiwe nenkolo nje kwabo balivayo. ₃Ngokuba tina bakoliweyo singena ekupumleni oko, njengokuba etshilo ukuti: Ndada ndafunga emsindweni wam ukuti: Abasayi kungena ukupumleni kwam: nakuba imisebenzi yake ibigqityiwe kwa sekumisweni kwelizwe. ₄Ngokuba etshilo endaweni etile ngawo umhla wesixe̔nxe ngokuti: Waza wapumla utixo ngomhla wesixe̔nxe kuyo yonke imisebenzi yake. ₅Nakulendawo kanjako: Abasayi kungena ekupumleni kwam. ₆Ukuba ngoko lisasala idinga lokuba inxenye iya kungena kuko, nokuba abo bashunyayezwa indaba ezilungileyo ngako matanci bengangenanga ngenxa yokungeva:— ₇Kanjako uyabalula umhla otile ngokuti, Namhla nje, esitsho kwelika‐Davide emveni kwexesha elikulu kangaka, njengokuba kutshiwo ukuti: Namhla nje, nakuliva ilizwi lake, maningazenzi lukuni intliziyo zenu. ₈Ngokuba u‐Yoshuwa ukuba wabanika ukupumla, ngeeba engateti ngomnye umhla emveni kwezizinto. ₉Ngako ke kusasalela abantu bakatixo upumlo. ₁₀Ngokuba lowo ungenileyo ekupumleni kwake, ute yena naye wapumla emisebenzini yake, kwa njengokuba utixo wapumla kweyake. — ₁₁Masiti ngoko sinxamele ukungena kokuya ukupumla; ukuze kungabiko mntu owayo ngawo lowo wona umlinganiso wokungeva. ₁₂Ngokuba ilizwi likatixo lipilile, lisebenza ngamandla, libukali ngakumbi pezu kweziṙele zonke ezintlangoti zimbini, lihlaba kude kube kukwahlulwa nokwompefumlo nokwomoya, nokwamalungu nokwomongo, lilungele ukuqiqa izicingo nenkumbulo zentliziyo. ₁₃Kanjalo akuko sidalwa esisiteleyo ebusweni bake; kodwa zonke izinto zizé zityilekile emehlweni alowo esiya kupendulela kuye.

₁₄KEKALOKU sinaye umperisite omkulu ongaka ecandile amazulu nje, u‐Yesu unyana katixo, masiyibambe imvumelo yetu. ₁₅Ngokuba singenaye umperisite omkulu ongenamandla okuvana nati ezilwelweni zetu, kodwa obe elingiwe ngento zonke ngokufana nati, engenasono kodwa. ₁₆Masiti ngoko sisondele kuyo iterone yofefe sinokalipo, ukuze silamkele itaṙu, silufumane ufefe kuze kusizwe ngexesha elifanelekileyo.