I‐Genesise 11

₁KEKALOKU wonke umhlaba waunomlomo mnye nenteto nye. ₂Kwaye kute, nxa babehamba ngasempumalanga, bafumana itafa ezweni le‐Shinare; baza bahlala kona.

₃Bada bati omnye kwomnye: Yizani, senze izitene, sikolise ukuzigqwagqwa. Babenezitene endaweni yamatye, babenodaka endaweni yekalike. ₄Baye besiti: Yizani, sizakele isixeko, kwa nenqaba engcopo ibe sezulwini; size sizenzele igama, hlezibe sipangalaliswe ebusweni bawo wonke umhlaba. ₅Waza uyehova wehla ukuza kubona isixeko nenqaba, ababezaka onyana babantu. ₆Wayesiti uyehova: Bona ke, abantu banye, banomlomo mnye bonke kanjalo; kukuqala kwokwenza kwabo oku; kaloku akuko nto eya kunqandeka kubo, abaqingileyo ukuyenza. ₇Yizani, kesihle, sibidabide kona apo inteto yabo, ukuze bangevani omnye ukuteta kwomnye. ₈Waza uyehova wabati sa kwa lapo ebusweni bawo wonke umhlaba; bandula bayeka ukwaka isixeko eso. ₉Ngako oko besibizwa ngegama eliyi‐Babele; ngokuba bekukona uyehova wabidabida inteto yomhlaba wonke: kwakukona kanjalo wabati sa uyehova ebusweni bawo wonke umhlaba.

₁₀EZI zizizizukulwana zika‐Sheme: u‐Sheme ebeyiminyaka yalikulu ubudala bake, waza wazala u‐Rafatsade, yaminyaka mibini emveni kwawo umsingakazi. ₁₁Waye u‐Sheme wahlala, emveni kwokuzala kwake u‐Rafatsade, iminyaka yamakulu mahlanu, wazala onyana nentombi. ₁₂Wahlala u‐Rafatsade iminyaka yamashumi matatu anamihlanu, waza wazala u‐Sala. ₁₃Waye u‐Rafatsade wahlala, emveni kwokuzala kwake u‐Sala, iminyaka yamakulu mane anamitatu, wazala onyana nentombi. ₁₄Wahlala u‐Sala iminyaka yamashumi matatu, waza wazala u‐Hebere. ₁₅Waye u‐Sala wahlala, emveni kwokuzala kwake u‐Hebere, iminyaka yamakulu mane anamitatu, wazala onyana nentombi. ₁₆Wahlala u‐Hebere iminyaka yamashumi matatu anamine, waza wazala u‐Pelege. ₁₇Waye u‐Hebere wahlala, emveni kwokuzala kwake u‐Pelege, iminyaka yamakulu mane anamashumi matatu, wazala onyana nentombi. ₁₈Wahlala u‐Pelege iminyaka yamashumi matatu, waza wazala u‐Rehu. ₁₉Waye u‐Pelege wahlala, emveni kwokuzala kwake u‐Rehu, iminyaka yamakulu mabini anesitoba, wazala onyana nentombi. ₂₀Wahlala u‐Rehu iminyaka yamashumi matatu anesibini, waza wazala u‐Seruge. ₂₁Waye u‐Rehu wahlala, emveni kwokuzala kwake u‐Seruge, iminyaka yamakulu mabini anesixe̔nxe, wazala onyana nentombi. ₂₂Wahlala u‐Seruge iminyaka yamashumi matatu, waza wazala u‐Nahore. ₂₃Waye u‐Seruge wahlala, emveni kwokuzala kwake u‐Nahore, iminyaka yamakulu mabini, wazala onyana nentombi. ₂₄Wahlala u‐Nahore iminyaka yamashumi mabini anesitoba, waza wazala u‐Tera. ₂₅Waye u‐Nahore wahlala, emveni kwokuzala kwake u‐Tera, iminyaka yalikulu linye elineshumi linesitoba, wazala onyana nentombi. ₂₆Wahlala u‐Tera iminyaka yamashumi asixe̔nxe, waza wazala u‐Abrame, u‐Nahore, no‐Harane.

₂₇Zizo ezi izizukulwana zika‐Tera: u‐Tera wazala u‐Abrame, u‐Nahore, no‐Harane; wati u‐Harane wazala u‐Lote. ₂₈Waye u‐Harane wafa ebusweni buka‐Tera uyise, ezweni lokuzalwa kwake, e‐Ure yasema‐Kaledineni. ₂₉Bati u‐Abrame no‐Nahore bazeka abafazi: igama lomfazi ka‐Abrame ngu‐Sarai: negama lomfazi ka‐Nahore ngu‐Mileka, intombi ka‐Harane, uyise ka‐Mileka, noyise ka‐Yisika. ₃₀Waye u‐Sarai eludlolo, engabanga namntwana. ₃₁Kekaloku u‐Tera watabata u‐Abrame unyana wake, no‐Lote unyana ka‐Harane, unyana wonyana wake, no‐Sarai umolokazana wake, umfazi ka‐Abrame unyana wake, abati bapuma nabo e‐Ure yasema‐Kaledineni, ukuya elizweni le‐Kanane; baza bafika e‐Karane, bahlala kona. ₃₂Yaye imihla ka‐Tera iyiminyaka engamakulu mabini anamihlanu; wada wafa u‐Tera e‐Karane.