U‐Ezera 1

₁KEKALOKU ngowokuqala umnyaka ka‐Koreshe ukumkani we‐Peresiya, ukuze kufezwe ilizwi likayehova ngomlomo ka‐Jeremiya, wawuvusa uyehova umoya ka‐Koreshe ukumkani we‐Peresiya, ukuba walidlulisa ilizwi kubo bonke ubukumkani bake, esenje njalo nangesiba̔lo kanjako, esiti: ₂Utsho u‐Koreshe ukumkani we‐Peresiya ukuti: Bonke ubukumkani bomhlaba ndibunikiwe nguyehova, utixo wezulu; kanjalo yena undiyalezele ukumakela indlu e‐Yerusaleme, ekwa‐Juda. ₃Ngubanina pakati kwenu ovumayo kubo bonke abantu bake? utixo wake makabe naye, enyuke aye e‐Yerusaleme, ekwa‐Juda, ayake indlu kayehova, utixo wo‐Sirayeli, (nguye lo utixo,) ese‐Yerusaleme. ₄Nosukuba esele komnye umzi apo apambukele kona, makati amadoda omzi wake amncede ngesilivere, nangegolide, nangempahla, nangezilo, kunye nomnikelo wesisa ngenxa yayo indlu katixo ese‐Yerusaleme.

₅Bandula besuka abazintloko zendlu zoyise zo‐Juda no‐Benjamine, nabaperisite, naba‐Levi, kunye nabo bonke abevusile utixo umoya wabo, ukuba benyuke baye ukuyaka indlu kayehova ese‐Yerusaleme. ₆Baza bonke ababangqongayo, bazomeleza izandla zabo ngezinto zesilivere, ngegolide, ngempahla, nangezilo, nangezinto ezinqabileyo, ngapandle kwako konke obekunikwa ngesisa.

₇Kanjalo ukumkani u‐Koreshe wazikupa impahla zendlu kayehova, ezo u‐Nebukanetsare ubezipumisile e‐Yerusaleme, wazibeka endlwini yotixo bake; ₈kwa zona u‐Koreshe ukumkani we‐Peresiya wazikupa, ngapantsi kwesandla sika‐Mitredati umgcinindyebo, owazibalela ku‐Sheshebatsare, inkosi yo‐Juda. ₉Lilo eli inani lazo: izitya zegolide ezimashumi matatu, izitya zesilivere eziliwaka, izitshetshe ezimashumi mabini anetoba, ₁₀ibekile zegolide ezimashumi matatu, ibekile zesilivere zohlobo lumbi ezimakulu mane aneshumi linye, ezinye impahla eziliwaka: ₁₁zonke impahla zegolide nezesilivere zibe zingamawaka mahlanu anamakulu mane. Ezi zonke u‐Sheshebatsare wazinyusa nabatinjwa abebenyuswa e‐Babilone ukuya e‐Yerusaleme.