U‐Hezekile 30

₁LABUYA leza kum ilizwi likayehova, lisiti: ₂Nyana woluntu! profitesha uti:

Itsho inkosi e nguyehova ukuti: Lilani! Au, umhla lowo! ₃Ngokuba umhla ukufupi, ewe, umhla kayehova ukufupi, umhla wamafu; loba lixesha labaheyideni. ₄Ngokuba iṙele liya kuza pezu kwe‐Jipete, notutumbelo luya kubako e‐Tiyopiya, nxa kuwayo abahlatyiweyo e‐Jipete; kwakuya kususwa isihlwele sayo, nemisekelo yayo iya kucitwa. ₅I‐Tiyopiya, ne‐Pute, ne‐Ludi, nabo bonke abantu abadityanisiweyo, ne‐Kube, nosapo lwelizwe locebano, baya kuwa kunye nabo ngeṙele.

₆Utsho uyehova ukuti: Ewe, baya kuwa abasekelayo i‐Jipete, lihle ke ir̔atshi lamandla ayo; kwa se‐Migidole kude kube se‐Sevene baya kuwa ngeṙele kuyo, itsho inkosi e nguyehova. ₇Boba becitakele pakati kwamazwe acitakeleyo; nezixeko zayo zoba pakati kwezixeko ezenzwe bunxuwa. ₈Babeya kukwazi okokuba mna ndi nguyehova, nxa ndibekileyo umlilo e‐Jipete, nanxa bonke abancedi bayo babujisiwe. ₉Ngalomhla izigidimi ziya kupuma ebusweni bam ngenqanawa, ukuya kuwoyikisa ama‐Tiyopiya asekunqabeni; kwaye kuya kubako ututumbelo pakati kwawo, njengasemhleni we‐Jipete; ngokuba, bona ke, lusiza.

₁₀Itsho inkosi e nguyehova ukuti: Kanjalo ndiya kupelisa isihlwele se‐Jipete ngesandla sika‐Nebukanetsare ukumkani we‐Babilone. ₁₁Yena nabantu bake kunye naye, izidlwengu zezizwe, baya kuziswa ukulonakalisa ilizwe; babeya kur̔ola amaṙele abo ngakuyo i‐Jipete, bazalise ilizwe ngabahlatyiweyo. ₁₂Imilambo ndiya kuyenza ibe yomile, nelizwe ndolitengisela esandleni sabakohlakeleyo; ndandiya kucitakalisa ilizwe nokuzala kwalo ngesandla sabasemzini; mna Yehova nditetile.

₁₃Itsho inkosi e nguyehova ukuti: Kanjalo izitixwana ndiya kuzitshabalalisa, namadalo ndowapelisa kuyo i‐Nofe; kwaye kungasayi kubako inkosi yasezweni le‐Jipete; ndandiya kubeka ulwoyiko elizweni le‐Jipete. ₁₄Ndiya kucitakalisa i‐Patrose, ndibeke umlilo e‐Tsohane, ndenze imigwebo e‐No. ₁₅Ndandiya kubutulula ubuṙalaṙume bam pezu kwe‐Sine, inqaba ye‐Jipete, ndisinqamle isihlwele sase‐No. ₁₆Ndowubeka umlilo e‐Jipete; i‐Sine yoba nobuhlungu obukulu, ne‐No iya kugqojozelwa, ne‐Nofe yoba sebunzimeni bemihla ngemihla. ₁₇Amadodana ase‐Avene nawase‐Pi‐besete aya kuwa ngeṙele: nezixeko ezi zoya ekutinjweni. ₁₈Nase‐Tahapanesi imini iya kwenziwa mnyama, nxa ndizapula kona iyokwe ze‐Jipete; kanjalo ir̔atshi lamandla ayo liya kupela kuyo; yona ilifu liya kuyisibekelela, nentombi zayo zoya ekutinjweni. ₁₉Kwa njalo ndiya kuyenza imigwebo e‐Jipete; babeya kukwazi okokuba mna ndi nguyehova.

₂₀KWAYE kute ngomnyaka weshumi elinamnye, ngeyokuqala inyanga, ngowesixe̔nxe umhla wenyanga, leza ilizwi likayehova kum, lisiti:

₂₁Nyana woluntu! ingalo ka‐Faro ukumkani we‐Jipete ndiyapulile; kanjako, bona ke, ayiyi kubotshwa ukufaka amayeza, ukubeka isiqoqo sokuyibopa, ukuyomeleza, ukuba ibambe iṙele. ₂₂Ngako oko itsho inkosi e nguyehova ukuti: Bona ke, ndingakuye u‐Faro ukumkani we‐Jipete, ndandiya kwapula ingalo zake, eyomeleleyo neyapukileyo, ndiliwise iṙele esandleni sake. ₂₃Ndowati sa ama‐Jipete pakati kwentlanga, ndiwacite pakati kwamazwe. ₂₄Ndandiya kuzomeleza ingalo zokumkani we‐Babilone, ndilinike iṙele lam esandleni sake; kodwa ingalo zika‐Faro ndozapula, waeya kugula ngokugula kwohlatyiweyo ebusweni bake. ₂₅Ewe ndiya kuzomeleza ingalo zokumkani we‐Babilone, kodwa ingalo zika‐Faro ziya kuwa pantsi; aeya kukwazi okokuba mna ndi nguyehova, nxa ndinika iṙele lam esandleni sokumkani we‐Babilone, nanxa alolulayo pezu kwelizwe le‐Jipete. ₂₆Ndandiya kuwati sa ama‐Jipete pakati kwentlanga, ndiwacite pakati kwamazwe; andule akwazi okokuba mna ndi nguyehova.