U‐Esetere 7

₁Wandula wangena ukumkani no‐Hamani ukusela no‐Esetere ukumkanikazi. ₂Wayesiti ukumkani ku‐Esetere, nangomhla wesibini, esidlweni seveyine: Siyinto nina isicelo sako, kumkanikazi Esetere? sesiya kunikwa kuwe; siyinto nina nesikungo sako? siya kufezwa nakude kube sisiqingata sobukumkani.

₃Wandula wapendula u‐Esetere ukumkanikazi, wati: Ukuba ndifumene ufefe emehlweni ako, kumkani! nokuba kunga kulungile kukumkani, mandinikwe ubomi bam ngesicelo sam, nabantu bam ngesikungo sam: ₄ngokuba sitengelwe, mna nabantu bam, ukutshatyalaliswa, ukubulawa, nokubujiswa. Ukuba kodwa sibe sitengelwe ukuba ngamakonza namakonzakazi, bendiya kuti cwaka, nangona utshaba lungenako ukwenzelelela ukwonakala kwokumkani.

₅Waza wapendula ukumkani u‐Hasheveroshe, wati ku‐Esetere ukumkanikazi: Ngubanina lo, upina lo, ontliziyo imkalipisile ukwenje njalo? ₆Wayesiti u‐Esetere: Utshaba nempi ngu‐Hamani lo okohlakeleyo. Wandula woyika u‐Hamani ebusweni bokumkani nokumkanikazi.

₇Wesuka ukumkani ngomsindo wake esidlweni seveyine, waya emyezweni woxande: wema no‐Hamani, ukuba abongozele ubomi bake ku‐Esetere ukumkanikazi; ngokuba ebebona ukuba ububi bugqityiwe ngakuye ngukumkani.

₈Wati akubuya ukumkani emyezweni woxande ukuza endlwini yesidlo seveyine, kekaloku u‐Hamani ebewile pezu kwomandlalo u‐Esetere abepezu kwawo. Wandula wati ukumkani: Kanene uya kumdlwengula ukumkanikazi na enam endlwini? Lisapuma ilizwi emlonyeni wokumkani, bagubungela ubuso buka‐Hamani. ₉Wayesiti u‐Harebona, omnye kubo ababusi, ebusweni bokumkani: Kanjako bona ke, lomti u‐Hamani wawenzela u‐Modekai, obetetele ukumkani okulungileyo, umi endlwini ka‐Hamani, uzikubite ezimashumi mahlanu ubude bawo. Wati ke ukumkani: Mxo̔meni pezu kwawo. ₁₀Baza bamxo̔ma u‐Hamani emtini abewulungisele u‐Modekai. Kwand’ ukudamba umsindo wokumkani.