I‐Duteronomi 12

₁ZIZO ezi izimiselo nezigwebo, eniya kulumkela ukuzenza kwelozwe enilipiwayo nguyehova, utixo woyihlo benu, ukuba nilifuye, yonke imihla eniya kubudla ubomi ngayo pezu kwomhlaba.

₂Niya kugqibela ukutshabalalisa zonke indawo, apo intlanga eniya kufuya okwazo zibe zikonza kona otixo bazo, pezu kwentaba ezinde, napezu kwenduli, nangapantsi kwayo yonke imiti eluhlaza: ₃naniya kuzicita izibingelo zazo, niziqekeze izifanekiso ezimiyo zazo, ne‐Ashera zazo nizitshise ngomlilo, nemifanekiso eqingqiweyo yotixo bazo niyigaule, namagama abo niwatshabalalise kulondawo.

₄Aniyi kwenje njalo kuyehova, utixo wenu. ₅Kodwa kwindawo aya kunyula yona uyehova, utixo wenu, kuzo zonke izizwe zenu, ukuba abeke igama lake kona, kwintlalo yake niya kufuna, niye kwa lapo ke. ₆Naniya kuzisa kona apo amadini okutshiswa enu, nemibingo yenu, nezishumi zenu, nomnikelo wokufunqufunqulwa wesandla senu, nezibambiso zenu, neminikelo yesisa yenu, namazibulo enkomo zenu nawegusha zenu. ₇Naniya kutya kona apo ebusweni bukayehova, utixo wenu, nivuye kuko konke enisolulele kona isandla senu, nina nendlu zenu, akutamsanqele ngako uyehova, utixo wako.

₈Aniyi kwenza njengako konke sikwenzayo apa namhla; abanye ngabanye besenza okusukuba kufanele kwawabo amehlo. ₉Ngokuba kwada kwakaloku ningafikanga ekupumleni naselifeni, enilipiwayo nguyehova, utixo wenu. ₁₀Kodwa niya kuwela i‐Yoredane, nihlale kwelozwe uyehova, utixo wenu, aya kunamkelisa ilifa lalo; waeya kunipumza kuzo zonke intshaba zenu ezingqongayo, nide nihlale ngokunqaba. ₁₁Oko kuya kubako indawo, aya kuyinyula uyehova, utixo wenu, ukuba alimise kona igama lake; kwa lapo niya kuzisa konke endiniyalela ngako: amadini okutshiswa enu, nemibingo yenu, izishumi zenu, nomnikelo wokufunqufunqulwa wesandla senu, nazo zonke izibambiso zenu ezidluliseleyo enibambisa ngazo kuyehova: ₁₂naniya kuvuya ebusweni bukayehova, utixo wenu, nina, nonyana benu, nentombi zenu, nezicaka zenu, nezicakakazi zenu, nom‐Levi opakati kwamasango enu; ngokuba kungeko kuye isabelwa nelifa kunye nani.

₁₃Zilumkele, ukuba unganikeli amadini okutshiswa ako kuzo zonke indawo uya kuzibona: ₁₄koko endaweni uyehova aya kunyula yona kwesinye sezizwe zakowenu, kwa lapo uya kunikela amadini okutshiswa ako, nalapo uya kukwenza konke endikuyalela ngako.

₁₅Kodwa ungabinga utye inyama ngako konke ukukanuka kwompefumlo wako, njengetamsanqa likayehova, utixo wako, ulipiweyo nguye, pakati kwawo onke amasango ako: onco̔lileyo nococekileyo bangayidla, njengebadi nanjengexama. ₁₆Kupela igazi aniyi kulidla; lona noligalela pezu kwomhlaba njengamanzi.

₁₇Akungetye pakati kwamasango ako isishumi senqolowa yako, neseveyine yako, neseoli yako, nawo amazibulo enkomo zako nawegusha zako, nazo zonke izibambiso zako obambisileyo ngazo, neminikelo yesisa yako, nomnikelo wokufunqufunqulwa wesandla sako: ₁₈koko kupambi kwoyehova, utixo wako, uya kuzidla, endaweni aya kunyula yona uyehova, utixo wako, wena, nonyana wako, nentombi yako, nesicaka sako, nesicakakazi sako, nom‐Levi opakati kwamasango ako: wauya kuvuya pambi kwoyehova, utixo wako, kuko konke usolulela kona isandla sako. ₁₉Zilumkele, ukuba ungamshiyi um‐Levi, yonke imihla yako emhlabeni wako.

₂₀Xeshekweni uyehova, utixo wako, aya kuwenza banzi umda wako, njengokuba etshilo kuwe, ude uti: Ndoyidla inyama; ngokuba umpefumlo wako ukanuka ukudla inyama; ngako konke ukukanuka kwompefumlo wako ungayidla inyama. ₂₁Nxa ikude kuwe londawo uyehova, utixo wako, ayinyulileyo ukuba alibeke igama lake kona, uya kwandula ubinge kwinkomo zako, nakwigusha zako, ozipiweyo nguyehova, njengokuba ndikuyalele; wauya kutya pakati kwamasango ako ngako konke ukukanuka kwompefumlo wako. ₂₂Kwa njengokuba kutyiwa ibadi nexama, kunjalo uya kutya zona: onco̔lileyo nococekileyo bofana ukuzitya kwabo. ₂₃Kodwa qinisa ukuba ungalidli igazi; ngokuba igazi libubomi: nobomi akuyi kubudla kunye nenyama. ₂₄Akuyi kulidla; woligalela pezu kwomhlaba njengamanzi. ₂₅Akuyi kulidla; ukuze kulunge kuwe, nakubantwana bako emva kwako, nxa uya kukwenza okufaneleyo emehlweni kayehova.

₂₆Kodwa izinto ezingcwele zako oya kuba nazo, nezibambiso zako, wozitabata, uye kulondawo aya kunyula yona uyehova; ₂₇wauya kunikela amadini okutshiswa ako, inyama negazi, pezu kwesibingelo sikayehova, utixo wako: loti igazi lemibingo yako ligalelwe pezu kwesibingelo sikayehova, utixo wako, nenyama uya kuyidla.

₂₈Lumka uwapulapule onke lamazwi endikuyalelayo, ukuze kulunge kuwe, nakubantwana bako emva kwako, kude kube ngunapakade, nxa uya kukwenza okulungileyo nokufaneleyo emehlweni kayehova, utixo wako.

₂₉Nxa uyehova, utixo wako, aya kucita intlanga, apo uya kona ukufuya okwazo, pambi kwako; ude ukufuye esikundleni sazo, uhlale nokuhlala elizweni lazo; ₃₀zilumkele, ukuba ungatiyelwa emva kwazo, emvenikweni zitshatyalalisiwe pambi kwako; nokuba ungabuzi ngotixo bazo, usiti: Zibe zisenje njanina ezintlanga ukukonza otixo bazo? sendiya kwenje njalo nam. ₃₁Akuyi kwenje njalo kuyehova, utixo wako: ngokuba konke okuyintshontsho kuyehova, oko akutiyayo, zikwenzele otixo bazo; ngokuba kwa nonyana bazo nentombi zazo zibatshisile emlilweni kotixo bazo.

₃₂Zonke izinto endiniyalela ngazo, niya kulumkela ukuzenza; akuyi kwongeza kuzo, akuyi kususa kuzo kanjako.