U‐Danyeli 1

₁NGOWESITATU umnyaka wobukumkani buka‐Yoyakime ukumkani wo‐Juda, weza u‐Nebukanetsare ukumkani we‐Babilone e‐Yerusaleme, wayivingcela. ₂Yandula inkosi yanikela esandleni sake u‐Yoyakime ukumkani wo‐Juda, nenxenye yempahla zendlu katixo; waza wazizisa elizweni le‐Shinare, endlwini yotixo wake; nempahla wazingenisa endlwini yendyebo yotixo wake.

₃Wati ukumkani wateta ku‐Shapenaze inkosi yabatenwa bake, ukuba azise abatile kulo usapo luka‐Sirayeli, nakuyo inzalo yokumkani, nakuzo inkosana; ₄kwa amadodana okungekuwo nasinye isipako, amahle ukubonakala kwawo, anobuciko ebulumkweni bonke, azizazi, anokuqonda ukwazi, ekukuwo amandla okuba eme eluxandeni lwokumkani, nokuba afundiswe ukuba̔la nokuteta kwama‐Kaledine. ₅Kanjalo ukumkani wawabela into yemihla ngemihla kuko ukutya okumnandi kwokumkani, nakuyo iveyine yokusela kwake, ukuba ondliwe iminyaka mitatu, ati ekupeleni kwayo eme ebusweni bokumkani.

₆Kekaloku bekuko pakati kwawo, kulo usapo luka‐Juda, u‐Danyeli, u‐Hananiya, u‐Mishayeli, no‐Hazariya; ₇eyati inkosi yabatenwa yabatiya amagama: u‐Danyeli yambiza ngo‐Beleteshatsare, no‐Hananiya ngo‐Shadraki, no‐Mishayeli ngo‐Meshaki, no‐Hazariya ngo‐Habedi‐nego.

₈Kodwa u‐Danyeli wabeka entliziyweni yake ukuba angazinco̔lisi ngokutya okumnandi kwokumkani, nangeveyine yokusela kwake; ngako wacela enkosini yabatenwa ukuba angazinco̔lisi. ₉Waye utixo emnikile u‐Danyeli ufefe nobubele ebusweni benkosi yabatenwa. ₁₀Yaza inkosi yabatenwa yati ku‐Danyeli: Ndiyoyika inkosi yam ukumkani, okwabileyo ukutya kwenu nokusela kwenu; ngokuba kuyinina ukuba abubone ubuso benu busiti kunubembe ngapezu kwamadodana angawentanga yenu? niya kwandula niyenze intloko yam imelwe lityala pambi kwokumkani.

₁₁Waza wati u‐Danyeli kwigosa, elo inkosi yabatenwa ibilimisile pezu kwo‐Danyeli, no‐Hananiya, no‐Mishayeli, no‐Hazariya: ₁₂Zulinge izicaka zako imihla ibe lishumi; mabasinike imifuno ukuba sitye, namanzi ukuba sisele: ₁₃kwandule ukukangelwa pambi kwako ukubonakala kwetu, nokubonakala kwamadodana adlayo ukutya okumnandi kwokumkani: uze wenze kwizicaka zako njengokubona kwako. ₁₄Laza labapulapula ngalendawo, labalinga imihla yalishumi. ₁₅Kwati ke ekupeleni kwemihla ilishumi, kwabonwa ukuba ukubonakala kwabo bagqitisile onke amadodana awadlayo ukutya okumnandi kwokumkani ngobuhle nangokutyeba kwenyama. ₁₆Landula igosa lasusa ukutya okumnandi kwabo, neveyine yokusela kwabo, labanika imifuno.

₁₇Kekaloku lamadodana omane utixo wawanika ukwazi nokuqonda kulo lwonke ufundo nobulumko; no‐Danyeli wamqondisa yonke imiboniso namapupa.

₁₈Kwati ke ekupeleni kwemihla owabetshilo ukumkani ukuba iwazise, yandula inkosi yabatenwa yawazisa pambi kwo‐Nebukanetsare. ₁₉Waza ukumkani wateta nawo; kwaye kube kungafunyanwa pakati kwawo onke nanye ebinjengo‐Danyeli, no‐Hananiya, no‐Mishayeli, no‐Hazariya; ngako bema ebusweni bokumkani. ₂₀Nendawo zonke zobulumko nengqondo, owababuza ngazo ukumkani, wabafumana belumkile ngamanani alishumi pezu kwazo zonke incibi nabanyangi abasebukumkanini bake bonke.

₂₁Kekaloku u‐Danyeli wahlala kwada kwaba ngowokuqala umnyaka ka‐Koreshe ukumkani.