Incwadi ka‐Paulusi kuma‐Kolose 4

₁Nina zinkosi! yenzelani amakonza enu oko kufanelekileyo noko kulingeneyo; nisazi nje ukuba nani ninayo inkosi ezulwini.

₂Zingisani ekutandazeni, nilinda nje kuko ngombulelo; ₃nitandaza kunye nako oko nangenxa yetu, ukuba utixo asivulele ucango lwelizwi, size siyitete imfihlakalo ka‐Kristu, endisekubanjweni ngenxa yayo kanjalo; ₄ukuze ndiyibonakalise, njengoko ndifanele ukuteta ngako.

₅Hambani ngobulumko ngakubo abapandle, nizitengela ituba nje. ₆Ukuteta kwenu makube ngofefe ngamaxesha onke, kuvakalisiwe ngetyuwa, ukuze nikwazi ukuba nifanele ukuti nina ukupendula bonke abanye ngabanye.

₇ZONKE indawo zam uya kunazisa zona u‐Tikikusi, ongumzalwana otandiweyo, nomkonzi onyanisekileyo, nesicaka kunye nam enkosini: ₈endimtumele kwa yona lento kuni, yokuba aqonde okwenu, azonwabise intliziyo zenu; ₉kunye no‐Onesimusi, umzalwana wetu onyanisekileyo notandiweyo, ongowakowenu. Baya kunazisa konke okwalapa.

₁₀U‐Aristariko, umbanjwa kunye nam, uyanibulisa; kwa no‐Maraki, isalamane sika‐Banabasi, enaniyamkele imiyalelo ngaye; (xeshekweni ezayo kuni, mamkeleni;) ₁₁no‐Yesu, o‐kutiwa ngu‐Yusitusi, abangabo basekwalukeni. Aba bodwa bangabasebenzisi bam ngasebukumkanini bukatixo, abate baba sisonwabiso kum. ₁₂U‐Epafrasi, ongowakowenu, isicaka sika‐Kristu, uyanibulisa, enizamela kakulu ngamaxesha onke emitandazweni yake, ukuba nime nifezekile nizalisekile kuyo yonke intando katixo. ₁₃Ngokuba ndimnqi̔nela ukuba unozondelelo olukulu ngenxa yenu, nabo base‐Lawodikeya, nabo base‐Herapolisi. ₁₄U‐Luke, igqiṙa elitandiweyo, uyanibulisa; Kwa no‐Demasi.

₁₅Bulisani abazalwana abase‐Lawodikeya, no‐Nimfasi, neṙemente esendlwini yake. ₁₆Naxeshekweni incwadi le ileseshiwe pakati kwenu, yenzani ukuba ileseshwe naseṙementeni yama‐Lawodikeya, nokuba nani niyileseshe leyo ivela e‐Lawodikeya. ₁₇Kanjalo yitini kuye u‐Arikipo: Lumkela ubukonzi owabubamkela enkosini, ukuba ubufeze.

₁₈Umbuliso wam Paulusi ngesam isandla. Kumbulani imibambo yam. Ufefe malube nani. Amene.