Incwadi ka‐Paulusi kuma‐Kolose 1

₁UPAULUSI, umpostile ka‐Yesu Kristu ngayo intando katixo, no‐Timote umzalwana wetu, ₂kubo abangcwele nabazalwana abakolwayo ku‐Kristu abase‐Kolose: Ufefe malube kuni, noxolo, luvela kuye utixo ubawo wetu, nenkosi u‐Yesu Kristu.

₃Siyabulela kuye utixo noyise wenkosi yetu u‐Yesu Kristu, sinitandazela ngamaxesha onke, ₄siyivile nje inkolo yenu ku‐Kristu Yesu, notando eninalo kubo bona bonke abangcwele, ₅ngenxa yetemba enibekelelwe lona ezulwini, elo nevayo ngalc pambili elizwini lenyaniso levangeli; ₆eze kubako kuni, njengokuba iko nakulo lonke ilizwe; eti kanjalo ivelise izixakato, njengokuba isenje njalo napakati kwenu, kuselokwomhla enayiva ngawo, naza nalwazi ufefe lukatixo ngenyaniso: ₇njengokuba kanjalo benifundile ku‐Epafrasi, isicaka kunye nati esitandiweyo, ongumkonzi onyanisekileyo ka‐Kristu ngenxa yenu; ₈owati kanjalo waxela kuti utando lwenu kumoya.

₉Ngenxa yako oku nati, kuselokwomhla sevayo, asipezi ukunitandazela, nokucela ukuba nizaliswe ngokwaziwa kwentando yake kubo bonke ubulumko nokuqonda okubumoya; ₁₀ukuze nihambe ngokufanele inkosi kube kukukolisa konke, nivelisa izixakato kuyo yonke imisebenzi elungileyo, nikulela ekumazini utixo; ₁₁nisomelezwa ngabo bonke ubomelelo, ngokwamandla obungcwalisa bake, kube kuko konke ukunyamezela nokuzeka kade ndawonye novuyo; ₁₂nibulela kuyise owasenza silinganele isabiwo selifa labangcwele ekukanyeni: ₁₃owasihlangulayo egunyeni lobumnyama, wasifudusela ebukumkanini bonyana wotando lwake; ₁₄okuye sinalo ukululwa ngalo igazi lake, uxolelwa lwezono zetu: ₁₅ongumfanekiso wotixo ongabonekiyo, umzalwatanci kuzo zonke izidalwa: ₁₆ngokuba kuye kwadalwa zonke izinto, ezo zisezulwini nezo zisemhlabeni, ezo zibonekayo nezo zingabonekiyo, nokuba zezineterone, nokuba zezinobukosi, nokuba zezinobupati, nokuba zezinegunya, — zonke izinto zidaliwe ngaye, nangenxa yake: ₁₇kanjalo yena upambili kuzo zonke izinto, nakuye’zonke izinto zimana zimi. ₁₈Kanjako nguye oyintloko yomzimba, yeṙemente; osiso isiqalo, umzalwatanci kwabafileyo, ukuze yena abe ngomkulu ezintweni zonke: ₁₉ngokuba ebetanda u‐Yise ukuba bonke ubuzala buhlale kuye; ₂₀nokuba ati ngaye zonke izinto azixolisane naye yena, elwenzile uxolo nje ngalo igazi lekuruse yake, — kwa ngaye ke, nokuba zezo zisemhlabeni, nokuba zezo zisezulwini.

₂₁Nani nina, nakuba nibe nifudula ningabasemzini nabazintshaba eluveni lwenu kuyo imisebenzi ekohlakeleyo, noko kaloku unixolisene naye ₂₂emzimbeni wenyama yake ngako ukufa kwake, ukuze animise nibangcwele, nibamsulwa, ningenakunikwa ityala, ebusweni bake: ₂₃ukuba kambe nimana ukuma elukolweni, nisekelwe, niqinile nokuqina, ningashenxiswa nje kanjalo etembeni levangeli, leyo nayivayo, eyashunyayelwa kuko konke ukudalwa okungapantsi kwezulu; endaba ngumkonzi wayo mna Paulusi.

₂₄Enditi kaloku ndivuye ezintlungwini zam ngenxa yenu, ndizalisekise izinto eziswelekileyo zembandezelwa zika‐Kristu enyameni yam ngenxa yomzimba wake, oyiyo iṙemente: ₂₅endaba ngumkonzi wayo mna ngokwolwabo lukatixo olwanikwa kum ngakuni, ukuba ndikolise ukushumayela ilizwi likatixo, — ₂₆imfihlakalo ebifihlelwe amaxesha akudala nezizukulwana, kodwa kaloku ibonakalisiwe kubangcwele bake: ₂₇abete utixo watanda ukubazisa into buyiyo ubutyebi bobungcwalisa bemfihlakalo le pakati kwabaheyideni; engu‐Kristu pakati kwenu, itemba lobungcwalisa: ₂₈esiti tina simshumayele, siluleka bonke abantu, sifundisa nokufundisa abantu bonke ngobulumko bonke; ukuze simise bonke abantu befezekile ku‐Kristu Yesu; ₂₉endizamela kona kanjalo, ndikandanisa ngokwokusebenza kwake, okusebenzayo kum ngamandla.